EKSODOS 2:23 - Khasi CL Bible (BSI)

²³ Bun snem hadien kane, u syiem Ijipt u ïap noh, hynrei ki Israel ki dang ïai ud namar kata ka jinglongmraw jong ki bad ki pyrta ban ïoh jingïarap.

KA BAIBL

²³ Ka la jia te hadien bun sngi, ba u la ïap noh uta u syiem ka ri Ijipt: te ki khun Israel ki la ïa-ud namar kata ka jinglongmraw, bad ki la ïalynñiar ruh, bad kata ka jinglynñiar jong ki ka la wan kiew sha U Blei namar kata ka jinglongmraw.

EKSODOS 2:23 Mawu Ofanana

JENESIS 16:11

Phan sa ïoh khun shynrang, bad phan khot kyrteng ïa u, u Ishmael, namar U Trai u la ïohsngew ïa ka jingud sngew jynjar jong pha.

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

NEHEMAÏAH 9:9

“Me ïohi kumno ki kpa tymmen ki la shahshitom ha Ijipt; me ïohsngew ïa ka jingkhot jong ki na ka bynta ka jingïarap ha ka Duriaw Basaw.

Ka Kitab U Job 35:9

Haba ki briew ki shah lehbeiñ, ki ud; ki pyrta ba yn don mano mano ban pyllait im ïa ki.

SALM 102:1

To shahshkor ïa ka jingduwai jong nga, A Trai, bad to sngew ïa ka jingkyang jong nga ban ïoh jingïarap!

SALM 102:2

Haba nga don hapdeng ka jingjynjar, to wat phai noh na nga! To sngew ïa nga, bad to jubab kloi haba nga khot kyrpad!

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 18:6

Ha ka jingjynjar jong nga, nga la khot kyrpad ïa U Trai; Nga la khot kyrpad ïa U Blei jong nga ban ïoh jingïarap. Ha ka Templ jong u, u la ïohsngew ïa ka sur jong nga, bad u la shahshkor ïa ka jingkyang jong nga ban ïoh jingïarap.

EKSODOS 4:19

Katba u Moses u dang don ha Midian, U Trai u ong ha u, “Khie leit phai sha Ijipt, namar ba kito baroh kiba thmu ban pynïap ïa me ki la ïap.”

EKSODOS 6:5

Mynta nga la ïohsngew ïa ka jingud jong ki Israel, ïa kiba ki nong Ijipt ki la teh mraw, bad nga la kynmaw ïa la ka jutang.

EKSODOS 6:9

U Moses u la ïathuh ïa kane ha ki Israel, hynrei kim shym sngap ïa u, namar ka mynsiem jong ki ka la pait la pra na kata ka jinglongmraw basohsat jong ki.

EKSODOS 7:7

Ha kata ka por mynba ki la kren ha u Pharaoh, u Moses u la don phraphew snem ka rta bad u Aaron u la don phraphew lai snem.

ISAÏAH 19:20

Kin long ka dak jong ka jingdon ryngkat jong U Trai Badonbor Baroh ha Ijipt. Haba ïa ki briew hangta la banbeiñ bad ki la kyang jam sha U Trai ban ïoh jingïarap, un phah ïa uno uno ban pyllait ïa ki.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JINGKHEIÑ 20:16

bad ngi la lynñiar sha U Trai ban ïoh jingïarap. U la ïohsngew ïa ka jinglynñiar jong ngi bad u la phah ïa u angel, uba la ïalam noh ïa ngi na Ijipt. Mynta ngi don ha Kadesh, ka shnong kaba ha khappud ka hima jong phi.

KI KAM 7:30

“Hadien ba ki sawphew snem ki la ïaid, u angel u la paw ha u Moses ha ki thylliej ding jong ka 'lawlynnong kaba ing hajan u lum Sinai.

DEUTERONOMI 24:15

Man la ka sngi shuwa ban sep sngi, siew dep ïa ka bainong jong u ha kata ka sngi, namar u dei uba duk bad u ap dngong ban ïoh ïa ka. Lada phim ai ïa ka, un kyang ha U Trai pyrshah ïa phi, bad kata kan long ka pop ïa phi.

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

NONGBISHAR 4:3

U Jabin u don khyndaispah tylli ki kali ïapom kiba da ka nar, bad u la synshar ïa ki Israel da kaba banbeiñ bad lehbor haduh arphew snem. Nangta ki paid Israel ki la kyang jam ha U Trai ban ïoh jingïarap.

1 SAMUEL 12:8

Haba u Jakob bad ka ïing jong u ki leit sha Ijipt, bad ki nong Ijipt ki banbeiñ ïa ki, ki kpa tymmen jong phi ki kyang ban ïoh jingïarap sha U Trai, bad U Trai u phah ïa u Moses bad u Aaron, kiba la wan ïalam noh ïa ki na Ijipt bad pynshong pynsah ïa ki ha kane ka ri.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”