EKSODOS 16:3 - Khasi CL Bible (BSI)

³ “Kan jin da la bha ba U Trai u shoh ïap ïa ngi ha ri Ijipt. Hangta, la kumno kumno, ngi dang ïoh ban shong bad bam doh bad kyrhai ka jingbam kat kaba ngi kwah. Hynrei phi la wan ïalam ïa ngi sha kane ka ri shyiap ban pynïapthngan ïa ngi baroh.”

KA BAIBL

³ bad ki khun Israel ki la ïa-ong ha ki, “A ban da ngi, ngi la ïap da ka kti U Trai ha ka ri Ijipt, mynba ngi la ïashong hajan ki khiew doh, mynba ngi la ïabam ïa u kpu ha ban da kdang; naba phi la wallam noh ïa ngi ha kane ka ri khlaw, ban pynïap ïa une u paidbah baroh da ka jingthngan.”

EKSODOS 16:3 Mawu Ofanana

2 SAMUEL 18:33

Te u syiem u la shah tyllep da ka sngewsih. U leit kiew sha ka kamra kaba halor kata ka khyrdop, bad u la ïam. Katba u dang leit, u la kyang, “A, ko khun jong nga! Ko khun jong nga, ko Absalom! Ko Absalom, u khun jong nga! Lada ngan da la ïap ha ka jaka jong phi, ko khun jong nga! Ko Absalom, ko khun jong nga!”

Ka Kitab U Job 3:1

Ha kaba kut u Job u sdang ban kren bad ban sngewsih ïa ka sngi ha kaba la kha ïa u.

Ka Kitab U Job 3:10

To tim ïa kata ka miet ba ka shah ba yn kha ïa nga, da kaba pynshah ïa nga ha ki jingjynjar bad ki jingsngewsih.

Ka Kitab U Job 3:20

Balei ban shah ïa ki briew ban ïai im ha ki jingjynjar? Balei ban ai jingshai ïa kito kiba don ha ka jingsngewsih?

SALM 107:5

Ki la thngan bad sliang bad ki la duh baroh ka jingkyrmen.

SALM 78:19

Ki la kren pyrshah ïa U Blei bad ki ong, “Hato U Blei u lah ban ai jingbam ha ka ri shyiap?

SALM 78:25

Kumta ki la bam ïa ka jingbam jong ki angel, bad U Blei u la ai ha ki baroh kaba ki la kwah.

EKSODOS 14:11

Ki la ong ha u Moses, “Hato ym don jingtep mo ha Ijipt? Hato phin hap wan ïalam ïa ngi hangne ha ri shyiap ban ïap? Peit aïu phi la leh ïa ngi da kaba phi wan ïalam noh ïa ngi na ka ri Ijipt!

EKSODOS 17:3

Hynrei ki briew ki la thynrang palat bad ki la ïai khñium ha u Moses. Ki la ong, “Balei keiñ ba phi wan ïalam noh ïa ngi na ka ri Ijipt? Hato phi mut ban pynïap da ka jingsliang ïa ngi bad ïa ki khun ki kti jong ngi, bad ïa ki jingri jong ngi?”

EKSODOS 2:23

Bun snem hadien kane, u syiem Ijipt u ïap noh, hynrei ki Israel ki dang ïai ud namar kata ka jinglongmraw jong ki bad ki pyrta ban ïoh jingïarap.

EKSODOS 5:21

Ki la ong ha u Moses bad u Aaron, “U Trai u la ïohi ïa kaei kaba phi la leh, bad un pynshitom ïa phi namar ba phi pynlong ïa u Pharaoh bad ïa ki rangbah pynïaidkam jong u ban isih ïa ngi. Phi la ai daw ïa ki ban pynïap ïa ngi.”

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

SNGEWSYNEI 4:9

Kito kiba la ïap ha ka thma ki la long kiba kham bit ban ïa kito kiba ïap hadien, kiba ïap suki ha ka jingthngan, khlem kano kano ka jingbam ban ri pynim ïa ki.

JINGKHEIÑ 11:15

Lada me leh kumne ïa nga, to sngewsynei ïa nga bad pynïap noh ïa nga, khnang ba ngan ym hap shah shuh ïa kane ka jingleh badonbor jong me.”

JINGKHEIÑ 11:20

hynrei baroh shi bnai, haduh ba kan da mihnoh shabar na ki shkor jong phi, haduh ba phin da sngewjli ïa ka. Kane kan jia namar ba phi la kyntait ïa U Trai uba don hangne hapdeng jong phi bad ba phi la ïakhñium ha u ba phim dei ban iehnoh ïa ka Ijipt.’”

JINGKHEIÑ 14:2

Ki la khñium pyrshah ïa u Moses bad u Aaron, bad ki ong, “Kan jin da la kham bha ban ïap ha Ijipt lane wat hangne ha ka ri khlaw!

JINGKHEIÑ 14:3

Balei keiñ U Trai u ïalam ïa ngi sha kata ka ri? Ngin shah pynïap ha ka thma, bad ki tnga jong ngi lem bad ki khun ki kti kin shah kem. Hato kam long kaba kham bha ba ngin ïaleit phai pat sha Ijipt?”

JINGKHEIÑ 16:13

Hato kam pat biang tang ba phi la ïalam noh ïa ngi na ka ri Ijipt kaba seisoh ban pynïap ïa ngi hangne ha ri khlaw? Phi kwah sa ban da long kynrad halor jong ngi?

JINGKHEIÑ 16:41

Ha ka sngi kaba bud, ka kynhun baroh ka la khñium pyrshah ïa u Moses bad u Aaron, bad ka ong, “Phi la pynïap katto katne ngut ki briew jong U Trai.”

JINGKHEIÑ 21:5

Ki la khñium, “Balei phi wan ïalam ïa ngi na Ijipt ban ïap ha kane ka ri shyiap ha kaba ym don bam lane ka um? Ngim sngewlah shuh ban bam kum kane ka jingbam!”

KI KAM 26:29

“La ka long ha ka por balyngkot lane ha ka por bajlan,” u Paul u la jubab, “ka jingduwai jong nga ha U Blei ka long ba ma me bad baroh kiwei pat kiba sngap ïa nga ha kane ka sngi ki lah ban long kum ma nga — lait noh, da shisha, ïa kine ki kynjri!”

1 KORINTH 4:8

Hato phi la don lypa ïa kaei kaei baroh kaba phi donkam? Hato phi la riewspah lypa? Hato phi la long ki syiem, wat la ngi ngim long? A, nga da kwah ba phin da long shisha ki syiem, khnang ba ngin ïoh long ki syiem lem bad phi.

2 KORINTH 11:1

Nga da kwah ba phin ïaishah bad nga, wat haba nga leh bieit khyndiat. Sngewbha leh kumta!

DEUTERONOMI 28:67

Ka shadem jong phi kan kyndeh da ka jingsheptieng kat ïa kaba phi ïohi. Man ka step phin kwah ba kan wan noh ka janmiet; man ka janmiet pat phin kwah ba kan wan noh ka step.

DEUTERONOMI 8:3

U la pyndem ïa phi, u la pynshahthngan ïa phi, bad hadien kata u la ai ha phi ïa ka manna ban bam, ka jingbam kaba ma phi bad ki kpa tymmen jong phi phim pat ju ïoh mynno mynno. Ban hikai ïa phi ba u briew um im tang da u kpu hynrei da ka ktien baroh kaba mih na U Trai.

JOSHUA 7:7

Bad u Joshua u ong, “A Trai Nongsynshar! Balei me wan ïalam ïa ngi sha shiliang ka Jordan? Hato ban aiti noh ïa ngi ha ki nong Amor? Hato ban pynjot ïa ngi? Balei ngim shu shongsah sha kawei pat ka liang jong ka Jordan!