EKLESIASTIS 8:1 - Khasi CL Bible (BSI)

¹ Tang u briew uba stad u tip aïu kiei kiei ki kit jingmut shisha. Ka jingstad ka pynlong ïa u ban phuh samrkhie bad ka pynjah ïa ka jingnoh sngewsih ka durkhmat jong u.

KA BAIBL

¹ Uei uba kum u riewstad? Bad uei uba nang ïa ka jingbatai ïa kaei kaei? Ka jingstad u briew ka pyntyngshaiñ ïa ka khmat jong u, bad yn pynkylla ïa ka jing-i-eh ka khmat jong u.

EKLESIASTIS 8:1 Mawu Ofanana

JENESIS 40:8

Ki jubab, “Baroh ar ngut ngi la phohsniew la ka jong ka jong ka jingphohsniew, bad ym don mano mano hangne u ban batai ïa ka jingmut ki.” Te u Joseph u ong, “Dei U Blei uba ai ka jinglah ban batai ïa ki jingphohsniew. To ïathuh ha nga ïa ki jingphohsniew jong phi.”

Ka Kitab U Job 33:23

Lehse u angel u lah ban wan ïarap ïa u — uwei na ki hajar ki angel jong U Blei, uba pynkynmaw ïa ki briew ïa ki kamram jong ki.

EKSODOS 34:35

bad ki ïohi ba ka khmat jong u ka tyngshaiñ. Kumta u buh biang ïa kata ka jaiñtapkhmat haduh ba un da leit ïakren pat bad U Trai.

PROBERB 1:6

kumta ba kin shemphang ïa ki jingmut kiba rieh kiba don ha ki proberb bad ki jingeh ba ki riewstad ki kylli.

PROBERB 12:8

Lada phi long kiba shemphang, phin ïoh jingïaroh; lada phi long kiba mutlop, ki briew kin peitbeiñ ïa phi.

PROBERB 17:24

U briew uba shemphang u thew ban leh ïa ka kam bastad, hynrei uba bieit u sdang shisien sdang na ki liang baroh.

PROBERB 21:29

Ki briew kiba hok ki skhem ha lade; ki bymman ki shu leh mynleh katba ki lah.

PROBERB 24:5

Ban long stad ka kham bha ban ïa kaba long khlaiñ; ho-oid, ka jingtip ka kham donkam ban ïa ka jingkhlaiñ.

DANIEL 2:22

U pynpaw ïa kiei kiei kiba jylliew bad kiba rieh; u tip kaei kaba la buhrieh ha ka jingdum, bad ïa u hi la ker sawdong da ka jingshai.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

KI KAM 4:13

Ki dkhot jong ka Dorbar ki la sngewlyngngoh ban ïohi kumno u Petros bad u Ïoannis ki la long kiba shlur bad ban tip ba ki long ki riewpaidbah ki bymnang bymstad. Ki la sngewthuh te ba ki la long ki nongsynran jong U Jisu.

KI KAM 4:29

Bad mynta, ko Trai, to khmih ïa ki jingbyrngem kiba ki la pynlong, bad shah ïa ngi, ki shakri jong me, ban kren ïa ka khubor jong me da ka jingshlur baroh.

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.

Ka Shithi U Paul Sha Ki Nong Rom 13:5

Namar kane ka daw phi dei ban kohnguh ïa ki bor synshar — ym tang namar ka jingpynshitom U Blei, hynrei na ka bynta ka jingïatiplem ruh.

EPHESOS 6:19

Bad to duwai ruh na ka bynta jong nga ba U Blei un ai ha nga ïa ka khubor haba nga la kloi ban kren, khnang ba nga lah ban kren shlur bad pynpaw shai ïa ka jingmaïan ka gospel.

DEUTERONOMI 28:50

Kin ym map lane leh-isynei ïano ïano, la ki dei ki samla ne ki tymmen.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

2 PETROS 1:20

Nalor kiei kiei baroh, namarkata, to kynmaw ba ym don mano mano ba lah ban batai da lade ïa ka jingïathuhlypa ha ki Jingthoh Bakhuid.