EKLESIASTIS 4:8 - Khasi CL Bible (BSI)

⁸ Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

KA BAIBL

⁸ Don uwei uba tang marwei, bad um don uwei pat; shisha, um don lymne khun lymne para; pynban, ym don ka bakut ïa ka jingtrei jong u baroh, lymne ym shym la pynhun ïa ki khmat jong u da ki spah. “Ïano te,” u ong, “nga trei shitom, bad nga pynduh ïa ka babha na la ka mynsiem?” Kane ruh ka long kaba thala, shisha, ka long ka jingshitom sat.

EKLESIASTIS 4:8 Mawu Ofanana

JENESIS 2:18

Nangta U Trai U Blei u la ong, “Kam long kaba bha ïa u briew ban im marwei. Ngan thaw ka nongsynran babiang ban ïarap ïa u.”

SALM 39:6

Baroh kaba u leh kam long ei ei; u lum spah, hynrei um tip uei u ban ïoh ïa ka.

SALM 39:7

Te, ïa-ei ngan dang ap kyrmen, A Trai? Nga buh ka jingkyrmen ha me.

PROBERB 27:20

Ki jingkwah u briew ki long kum ka pyrthei kiba ïap — Ka don borabor ka jingkwah shuh shuh.

EKLESIASTIS 1:13

Nga la kut jingmut ban da khmih bniah bad wad bniah ïa kiei kiei baroh ba la leh ha kane ka pyrthei. U Blei u la buh ka kupar basyrtok halor jong ngi.

EKLESIASTIS 1:8

Baroh kaei kaei ka lam sha ka jingngiah — ka jingngiah kaba khraw palat ïa ki kyntien. Ki khmat jong ngi kim lah ban ïohi shibun kat ban ïoh jinghun, ki shkor jong ngi kim lah da lei lei ban ïohsngew shibun.

EKLESIASTIS 2:21

Phi trei ïa kaei kaei da ka jingstad, ka jingtip bad ka jingtbit jong phi baroh, bad nangta phi dei ban iehnoh ïa ka baroh ha uwei pat u bym shym la trei ïa ka. Ka long ka bymmyntoi, bad kam long kaba dei!

EKLESIASTIS 2:23

Katba phi dang im, baroh kaba phi leh kam wallam ei ei hynrei tang ka jingkhuslai bad ka jingpangnud. Wat mynmiet ka jingmut jong phi kam lah ban shongthait. Baroh ka long ka bymmyntoi.

EKLESIASTIS 4:7

Nga la ïohi ïa kawei pat kaei kaei ha ka jingim kaba long ka bymmyntoi.

EKLESIASTIS 5:10

Lada phi ieit ïa ka pisa da lei lei ruh phin ym ïoh jinghun, lada phi angnud ban riewspah, phin ym ïoh ïa baroh kaba phi kwah. Ka long ka bymmyntoi.

EKLESIASTIS 5:9

Wat u syiem u shaniah ha ka jingot.

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

MATHAÏOS 11:28

“To wan ha nga, phi baroh kiba thait na kaba kit ïa ki jingkit kiba khia, bad ngan ai ha phi ka jingjahthait.

LOUKAS 12:20

Hynrei U Blei u la ong ha u, ‘A me uba bieit! Ha kane hi ka miet men hap ban iehnoh ïa la ka jingim; te mano ban ïoh ïa kine kiei kiei baroh kiba me la buh na ka bynta ïa lade?’ ”

1 ÏOANNIS 2:16

Baroh kiei kiei kiba dei jong ka pyrthei — kaei kaba ka malade bapop ka brai, kaei kaba ki briew ki ïohi bad kwah, bad baroh kiei kiei kiba ha ka pyrthei kiba ki briew ki sngewsarong — ym don na kane kaba wan na U Kpa; baroh ka wan na ka pyrthei.