EKLESIASTIS 4:1 - Khasi CL Bible (BSI)

¹ Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

KA BAIBL

¹ Te nga la phai pat bad nga la ïohi ïa ki jingbanbeiñ baroh ba ju leh hapoh ka sngi: bad ha khmih, ki ummat jong kita ïa kiba la banbeiñ, te kim shym la don u nongpyntngen; bad ha ka liang ki nongbanbeiñ jong ki la don ka bor, hynrei, ki kim shym la don u nongpyntngen.

EKLESIASTIS 4:1 Mawu Ofanana

Ka Kitab U Job 16:4

Lada phi don ha ka jaka jong nga bad ma nga ha ka jaka jong phi, ngan lah ban ong ïa kiei kiei baroh kiba phi ong. Nga lah ban pynkhih ïa ka khlieh jong nga ha ka jingsian bad ngan pynïap jyllop ïa phi ha ka jingshlei jong ki ktien.

Ka Kitab U Job 35:9

Haba ki briew ki shah lehbeiñ, ki ud; ki pyrta ba yn don mano mano ban pyllait im ïa ki.

Ka Kitab U Job 6:29

Phi la leit jngai palat. Sangeh na kaba long bymhok. Wat pynrem ïa nga. Ngam shym bakla.

Ka Kitab U Job 9:24

U Blei u ai ïa ka pyrthei ha ki bymman. U pynlong ïa baroh ki nongbishar kiba matlah. Bad lada ym dei U Blei uba leh ïa kata, uei uba leh?

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 142:4

Haba nga peit ha syndah jong nga, nga ïohi ba ym don uno uno u ban ïarap ïa nga, ym don mano mano ban ïada ïa nga. Ym don uba sngewsynei ïa nga.

SALM 142:5

A Trai, nga kyang sha me ban ïoh jingïarap; ma me, A Trai, me long u nongïada jong nga; me long tang ma me uba nga kwah ha kane ka jingim.

SALM 42:3

Nga ïam mynsngi bad mynmiet, bad ki ummat ki long tang ma ki ka jingbam jong nga; man ka por ki nongshun jong nga ki kylli ïa nga, “Hangno u don U Blei jong phi?”

SALM 42:9

Ha U Blei, u nongïada jong nga, nga ong, “Balei ba me la klet noh ïa nga? Balei ba ngan ïaishah shitom na ka jingshyrkhei ki nongshun jong nga?”

SALM 69:20

Ki jingrkhiebeiñ ki la pynpait ïa ka dohnud jong nga, bad nga don ha ka jingduh jingkyrmen. Nga la kyrmen ïa ka jingisynei, hynrei ym don ei ei; ïa ka jingpyntngen, hynrei ngam shem ei ei.

SALM 69:21

Haba nga thngan, ki ai ha nga ka bih; haba nga sliang, ki ai ha nga ka sirka.

SALM 80:5

Me la ai ka jingsngewsih ha ngi ban bam, ki ummat ha ka khuri baheh ban dih.

EKSODOS 1:16

“Haba phi ïarap pynkha ïa ki kynthei Hebru, bad phi ïohi ba u dei u shynrang, pynïap ïa u; hynrei lada dei ka kynthei, ai kan im.”

EKSODOS 1:22

Khatduh eh, uta u syiem u hukum ïa ki briew jong u baroh, “Shim ïa u khunlung Hebru baroh uba dang shu lah kha bad bret ïa u sha wah Nile, hynrei ai ba ki khun kynthei kin im.”

PROBERB 19:7

Wat ki hynmen ki para jong u briew uba duk kim long jingmyntoi ïa u; kam pher ba um don paralok. Kam pher katno u pyrshang tyngeh, um lah ban ïoh paralok.

PROBERB 28:3

U briew uba don ha ka bor uba banbeiñ ïa kiba duk u long kum u 'lapbah 'lapsan uba pynjot thiaw ïa ki jingthung.

PROBERB 29:2

To pyn-i ha nga ïa u nongsynshar uba hok bad ngan pyn-i ha phi ïa ki briew kiba suk. To pyn-i ha nga ïa u nongsynshar basniew bad ngan pyn-i ha phi ïa ki briew kiba shah lanot.

EKLESIASTIS 3:16

Shuh shuh, nga la ïohi ruh ba ha kane ka pyrthei phi shem ka jingbymman ha ka jaka kaba ka jinglehhok bad ka hok ki dei ban don.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

EKLESIASTIS 7:7

Phi lah ban long uba stad, hynrei lada phi shukor ïano ïano, phi leh la kum u bieit. Lada phi shim klop, phi pynjot ïa la ka jinglong jingim.

EKLESIASTIS 8:9

Nga la ïohi ïa kane baroh haba nga pyrkhat ïa kiei kiei kiba la leh ha kane ka pyrthei, ka pyrthei ha kaba katto katne ki briew ki don ka bor bad kiwei pat ki dei ban shahshitom hapoh jong ki.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

ISAÏAH 51:23

Ngan ai ïa ka ha kito kiba banbeiñ ïa phi, ïa kito kiba la pynlong ïa phi ban thiah ha ki surok bah bad ïuhroit halor jong phi kum ka jakhlia.”

ISAÏAH 59:7

Borabor phi thmu ïa kaei kaei kaba sniew, bad phim lah ap ban leh ïa kata. Phim ju sngew ei ei ban pynïap ïa ki briew kiba lui lui; ka jingduh bad ka jingpynjot ki wan jia kat shaba phi leit.

JEREMAÏAH 16:7

Ym don mano mano ban bam lane dih badno badno ban pyntngen ïa u mynba iba ieit bathoiñ i ïap. Ym don mano mano ban pyn-i jingsngewlem, wat ïa uta uba la duh noh ïa la u kpa lane ïa ka kmie.

SNGEWSYNEI 1:16

“Kata ka long balei ba ki khmat jong nga ki shlei da ki ummat. Ym don mano mano ba lah ban pyntngen ïa nga; ym don mano mano ba lah ban ai jingshlur ïa nga. U nongshun u la jop ïa nga; ki briew jong nga kim don ei ei shuh kaba sah.

SNGEWSYNEI 1:17

“Nga kner ïa la ki kti, hynrei ym don mano mano ban ïarap ïa nga. U Trai u la khot ïa ki nongshun pyrshah ïa nga na ki liang baroh; ki la leh ïa nga kum ïa kaei kaei kaba jakhlia.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 1:9

Ïa ka jingbymkhuid jong ka lah ban ïohi da kaba suk, hynrei kam shym la pynpaw jingsngewkhia ei ei ïa la ka kupar. Ka jingkyllon jong ka, ka long kaba shyrkhei; ym don mano mano ba lah ban pyntngen ïa ka. Ki nongshun jong ka ki la jop, bad ka kyang sha U Trai na ka bynta ka jingisynei.

AMOS 3:10

U Trai u ong, “Kine ki briew ki pyndap ïa la ki ïing paki dulan da kiei kiei kiba la shim da ki kam runar bad ki kam lehbor. Kim tip satia wat kumno ban lehhok.

AMOS 3:9

To pynbna ha kito kiba shong ha ki ïingsyiem ha Ijipt bad Ashdod: “Ïalumlang ha ki lum sawdong ka Samaria, bad peit ïa ka jingkhynwin kaba khraw bad ka jingbymman ba la leh hangta.”

MALAKHI 2:13

Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

MALAKHI 3:18

Sa shisien pat ki briew jong nga kin ïohi ïa ka jingïapher hapdeng kaei kaba jia ïa kiba hok bad ïa ki bymman, ha u briew uba shakri ïa nga bad ha uta u bym leh kumta.”

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 26:56

Hynrei kane baroh ka la lah jia khnang ban pynlong ïa kaei kaba ki nongïathuhlypa ki la thoh ha ki Jingthoh Bakhuid ban jia shisha.” Nangta baroh ki synran ki la iehnoh ïa u bad ki la ïaphet noh.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.

DEUTERONOMI 28:48

Kumta keiñ, phin hap ban shakri ïa ki nongshun ba U Trai un phah pyrshah ïa phi. Phin thngan, phin sliang, bad phin lyngkhuit — phin da kyrduh shisha khait. U Trai un pynshitom jur ïa phi haduh ba phin da jot thiaw.

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

NONGBISHAR 4:3

U Jabin u don khyndaispah tylli ki kali ïapom kiba da ka nar, bad u la synshar ïa ki Israel da kaba banbeiñ bad lehbor haduh arphew snem. Nangta ki paid Israel ki la kyang jam ha U Trai ban ïoh jingïarap.