EKLESIASTIS 2:8 - Khasi CL Bible (BSI)

⁸ Nga la kynton ruh ka rupa bad ka ksiar na ki jingkynshew syiem jong ki ri kiba nga la synshar. Ki shynrang bad ki kynthei ki la rwai ban pynbyrngia ïa nga, bad nga la don baroh ki kynthei kiba u briew u lah ban kwah.

KA BAIBL

⁸ nga la ïalum lang ruh ha lade ka rupa bad ka ksiar, bad ki jingkynshew kiba dei ïa ki syiem hi bad ki ilaka: nga la ïoh ha lade ki nongrwai shynrang bad ki nongrwai kynthei, bad ki jingsngewbha ki khun bynriew, ki tnga kliar shibun eh.

EKLESIASTIS 2:8 Mawu Ofanana

2 SAMUEL 19:35

Nga la dap phraphew snem ka rta, bad ym don shuh kata kaba pynsngewbha ïa nga. Ngam don jingmad shuh ïa kaei ba nga bam bad dih, bad ngam lah shuh ban ïohsngew ïa ki sur jong ki nongrwai. Ngan long tang ka jingbankhia ïa U Syiem Kynrad.

1 SYIEM 10:10

Ka la ai sngewbha ïa u syiem Solomon da ki jingai kiba ka la wanrah palat saw hajar kilo ka ksiar bad shikatdei eh ki jingiwbih bad ki mawlynnai. Kat kita ki jingiwbih ba ka ai ïa u ka long kaba bun tam ba um pat ju ïoh ha kano kano ka por.

1 SYIEM 10:14

Man ka snem u syiem Solomon u ïohpdiang kumba arphew lai hajar kilo ka ksiar,

1 SYIEM 10:21

Baroh ki khuri dih jingdih jong u Solomon ki long kiba la shna da ka ksiar, bad baroh ki khiew ki pliang ha ka Kamra heh jong ka Khlaw Lebanon ki long kiba da ka ksiar nylla. Ym shym pyndonkam da ka rupa, namar kam shym long kaba la ñiewkordor ha ki sngi u Solomon.

1 SYIEM 11:3

U Solomon u la shongkurim hynñiewspah ngut ki khun syiem kynthei bad laispah ngut ruh ki tnga kliar.

1 SYIEM 14:27

Ban buh bujli ïa ki, u syiem Rehoboam u thaw da ki stieh rnong bad u aiti ïa ki ha ki rangbah pynïaidkam kiba kitkhlieh ban ïada ïa ki khyrdop jong ka ïingsyiem.

1 SYIEM 9:14

U Hiram u la phah sha u Solomon palat ïa ka saw hajar kilo ka ksiar.

1 SYIEM 9:28

Ki la leit sha ka ri Ophir bad ki wan kit nangta haduh khatsaw hajar kilo ka ksiar.

1 KHRONIKL 25:1

U syiem Dabid bad ki nongïalam jong ki Lebi ki la jied ïa kine ki kur jong ki Lebi ban ïalam ïa ka jingmane: u Asaph, u Heman, bad u Jeduthun. Ki dei ban pynbna ïa ki khubor jong U Blei, ïa kiba la synran da ki sur ki duitara bad ki shakuriaw. Kane ka dei ka thup kyrteng jong ki briew kiba la jied ban ïalam ïa ka jingmane, lem bad ka jait jingshakri kaba kawei pa kawei ka kynhun kan pyndep:

1 KHRONIKL 25:6

Baroh ki khun shynrang jong u, ki tem ïa ki shakuriaw bad ki duitara hapoh ka jingpynïaid u kpa jong ki, ban synran ïa ka jingmane ha ka Templ. Bad u Asaph, u Jeduthun bad u Heman ki don hapoh ki hukum na u syiem.

2 KHRONIKL 9:11

U Solomon u pyndonkam ïa uta u dieng ha kaba shna ïa ki mawkyrdon ïa ka Templ bad ïa ka ïingsyiem jong u, bad ha kaba shna ïa ki duitara bad jingtem ksai na ka bynta ki nongput nongtem. Ym pat ju don kum kata ha kaba lah ban ïohi mynshuwa ha ka ri Judah.)

EKLESIASTIS 1:2

Ka long ka bymmyntoi, ka bymmyntoi, ong u Stad saiñpyrkhat. Ka jingim ka long ka bymmyntoi, baroh ka long ka bymmyntoi.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:5

Phin ïohsngew ïa ka jingriew ki turoi, ba la bud da ka jingput ïa ki tangmuri, ki jingtem ksai, ki marynthing, bad ki duitara; bad nangta sa baroh kiwei pat ki tiar put tiar tem kin ïasoh lang. Tang mar ïasdang ka jingput jingtem, phi dei ban dem ngon bad mane ïa ka durbriew ksiar kaba u syiem Nebukhadnessar u la phah pynïeng.

DANIEL 3:7

Bad kumta, mar syn ïohsngew ïa ka jingsawa ki tiar put tiar tem, ki briew jong baroh ki ri, ki jaitbynriew, bad ki jait ktien ki la ïadem ngon bad mane ïa ka durbriew ksiar kaba u Syiem Nebukhadnessar u la phah pynïeng.

AMOS 6:5

Phi sngewtynnat ban thaw ïa ki jingrwai, kumba u Dabid u la thaw, bad tem ïa ki ha ki duitara.