EKLESIASTIS 1:3 - Khasi CL Bible (BSI)

³ Phi pynlut la ka jingim ha kaba treikam, kaba trei shitom, bad phi don aïu ban pyn-i ïa ka?

KA BAIBL

³ Ka jingmyntoi aïu u briew u don na ka jingtrei jong u baroh kaba u trei hapoh ka sngi?

EKLESIASTIS 1:3 Mawu Ofanana

EKLESIASTIS 2:11

Nangta nga la pyrkhat ïa baroh kaba nga la leh bad haduh katno nga la trei shitom ïa ka bad nga la sngewthuh ba kam kit jingmut ei ei. Ka la long kum ka jingbeh ïa ka lyer — ka bymmyntoi ei ei.

EKLESIASTIS 2:18

Ym don kata kaba nga la trei bad kamai kaba long ei ei ïa nga, namar nga tip ba nga dei ban iehnoh ïa ka ha u nongmih bujli jong nga,

EKLESIASTIS 2:19

bad u lah ban long uba stad, lane u lah ban long uba bieit — mano batip? Pynban un long trai ïa kaei kaei baroh kaba nga la trei, baroh kaba ka jingstad jong nga ka la kamai ïa nga ha kane ka pyrthei. Baroh ka long ka bymmyntoi.

EKLESIASTIS 2:22

Phi trei bad khuslai ïa la ka lynti lyngba ka jingim, bad aïu phi don ban pyn-i ïa ka?

EKLESIASTIS 3:9

Aïu ngi ïohnong na ka kam jong ngi baroh?

EKLESIASTIS 4:3

Hynrei kham bha ban ïa kine baroh ar long kito ki bym pat shym la kha, ki bym pat ïohi ïa ka jingbymlehhok kaba trei ha ka pyrthei.

EKLESIASTIS 4:7

Nga la ïohi ïa kawei pat kaei kaei ha ka jingim kaba long ka bymmyntoi.

EKLESIASTIS 5:16

Hato kam dei kumta? Ngi leit kumba ngi wan. Ngi trei, da kaba pyrshang ban kem ïa ka lyer bad aïu ngi ïoh?

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

EKLESIASTIS 6:12

Kumno uno uno u lah ban tip kaei kaba bha ïa ngi ha kane ka jingim jong ngi kaba lyngkot bad ka bymmyntoi — ka jingim kaba ïaid kum ka syrngiew? Kumno ngi lah ban tip aïu kan jia ha ka pyrthei hadien ba ngi la ïap?

EKLESIASTIS 7:11

Uwei pa uwei uba im u dei ban long uba stad; ka long kaba bha kum ka jingïohpdiang ïa ka jingïohpateng

EKLESIASTIS 9:13

Don sa kaei kaei kawei pat kaba nga la ïohi, ka nuksa kaba bha shaphang kumno ïa ka jingstad la ñiew ha kane ka pyrthei.

EKLESIASTIS 9:3

Kawei ka kupar ka wan kumjuh ha baroh, bad kane ka long kaba bakla kum kano kano kaba jia ha kane ka pyrthei. Katba ki briew ki dang im, ki jingmut jingpyrkhat jong ki, ki dap da ka jingsniew bad ka jinglamwir, bad kynsan kynsan ki ïap.

EKLESIASTIS 9:6

Ki jingieit jong ki, ki jingisih jong ki, ki jingkwah jong ki, baroh ki ïap lem bad ki. Kin ym lah shuh da lei lei ban ïashim bynta ha kano kano kaba jia ha kane ka pyrthei.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

HABAKKUK 2:13

Ki jaitbynriew kiba phi la jop ki la pynshohthait ïa lade da ka jingtrei bymmyntoi, bad baroh kaba ki la tei la bam duh ha ka ding. U Trai Badonbor Baroh u la leh ïa kane.

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

MATHAÏOS 16:26

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

1 KORINTH 16:16

Nga kyrpad ïa phi, ko ki parabangeit jong nga, ban bud ïa ka jingïalam jong kiba kum kita ki briew, bad uno uno de uba trei bad shakri lang bad ki.