EKLESIASTIS 1:10 - Khasi CL Bible (BSI)

¹⁰ “Ha khmih,” ki ong, “hangne ka don kaei kaei kaba thymmai!” Hynrei, em, baroh ka lah jia mynshuwa, slem bah shuwa ban kha ïa ngi.

KA BAIBL

¹⁰ Don ei ei kaba ki briew ki ong, “Ha khmih, kane ka long ka bathymmai?” Ka la lah long lypa keiñ ha ki rta kiba la long shuwa ïa ngi.

EKLESIASTIS 1:10 Mawu Ofanana

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

MATHAÏOS 5:12

To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

2 TIMOTHI 3:8

Kumba u Jannes bad u Jambres ki la ïeng ïaleh pyrshah ïa u Moses, kumta ruh kine ki briew ki ïaleh pyrshah ïa ka jingshisha — ki briew kiba ki jingmut jong ki kim treikam bad kiba la shahjop ha ka jingngeit.

EKLESIASTIS 1:9

Kaei kaba la jia mynshuwa kan wan jia biang. Kaei kaba la pyndep mynshuwa yn leh biang. Ym don kano kano kaba thymmai ha ka pyrthei baroh kawei.

EKLESIASTIS 1:11

Ym don mano mano ba kynmaw ïa kaei kaba la jia ha ka mynnor, bad ym don mano mano ha ki sngi ban wan ki ban kynmaw ïa kaei kaba jia hapdeng kaba mynta bad kaba myn ha kato.

EKLESIASTIS 2:12

Nalor baroh, u syiem u lah ban leh tang ïa kaei kaba ki syiem kiba ha shuwa ki la leh. Kumta nga la sdang ban pyrkhat aïu ka mut ban long uba stad lane uba thurmur lane uba bieit.

EKLESIASTIS 6:10

Kaei kaei kaba jia ka dei kaba la rai lypa slem bah mynshuwa, bad ngi baroh ngi tip ba phim lah ban ïania bad uno uno uba kham khlaiñ ban ïa phi.