DANIEL 9:3 - Khasi CL Bible (BSI)

³ Bad nga la duwai jur ha U Trai U Blei, da kaba ïasaid bad u, da kaba shahjingit, da kaba phong ki jaiñ khain, bad da kaba shong ha u dpei.

KA BAIBL

³ Bad nga la phai la ka khmat sha U Trai U Blei, ban wad da ka jingduwai bad ki jingkyrpad, lem bad kaba shah jingit, bad ka jaiñ byrni, bad ka dpei.

DANIEL 9:3 Mawu Ofanana

2 SAMUEL 12:16

U Dabid u la duwai ïa U Blei ba uta u khunlung un koit. Um treh bam ei ei, bad man ka miet u rung sha la ka kamra, bad u thiah ha madan baroh shi miet.

ESRA 10:6

Nangta u leit na khmat ka Templ sha ki jaka sah jong u Jehohanan u khun jong u Eliashib, bad u pynlut ïa ka miet hangta ryngkat bad ka jingsngewsih ïa ka jingbymkohnguh jong kiba la shah ringmraw. Um shym la bam ne dih ei ei.

ESRA 8:21

Hangta harud ka nur-um jong ka Ahaba, nga ai ki hukum na ka bynta jong ngi baroh ban shahjingit bad pynrit ïa lade ha khmat U Blei jong ngi bad ban kyrpad ïa u ban ïalam ïa ngi ha ka jingïaid lynti jong ngi bad ban ïada ïa ngi bad ki khun ki kti jong ngi bad ïa baroh ki jingdon jingem jong ngi.

ESRA 9:5

Haba ka por ka la poi na ka bynta ka jingkñia janmiet, nga ïeng na ka jaka ba nga shong sngewsih, bad nga dang phong ïa ki jaiñ ba la jot, nga dem khohsiew ha ka jingduwai bad nga pyiar ïa la ki kti sha U Trai U Blei jong nga.

NEHEMAÏAH 9:1

Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

SALM 35:13

Hynrei haba ki pang, nga kup da ki jaiñ khain, nga shahjingit khlem bam ïa lade; nga duwai da kaba pyndem ïa la ka khlieh shapoh,

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

DANIEL 6:10

Haba u Daniel u la tip ba ïa ka hukum la lah soi, u la leit sha ïing. Ha ka kamra kaba haneng jong ka ïing jong u la don ki jingkhangïit kiba phai sha Jerusalem. Hangta, kumba u la ju ïai leh, u la dem khohsiew ha ki jingkhangïit ba la plie bad u duwai sha U Blei lai sien shi sngi.

DANIEL 9:2

Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.

DANIEL 9:20

Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

JONAH 3:5

Ki briew jong ka Ninebeh ki la ngeit ïa ka khubor U Blei. Kumta ki la ïa-rai ba baroh ki dei ban shahjingit, bad ba baroh ki briew, naduh uba rit tam haduh uba khraw tam, ban phong jaiñ khain ban pynpaw ba ki la kylla-kaba-mut.

MATHAÏOS 17:21

Hynrei tang ka jingduwai bad ka jingshah jingit kaba lah ban beh noh shabar ïa une u jait; ym don kano kano kawei pat kaba lah.

KI KAM 10:30

U Kornelios u la ong, “Ka la long kumba ha kane ka por lai sngi mynshuwa ba nga dang duwai ha ka ïing jong nga ha ka por lai baje nohphai sngi. Kynsan u briew uba riam ha ki jaiñ kiba phyrnai u la ïeng ha khmat jong nga, bad u la ong: