DANIEL 5:2 - Khasi CL Bible (BSI)

² Katba ki dang ïadih, u Belshassar u la ai hukum ban wallam ha ki khuri ksiar bad rupa bad ha ki pliang kiba u Nebukhadnessar u kpa jong u, u la rah noh na ka Templ kaba ha Jerusalem. U syiem u la phah shim ïa ki khnang ba ma u, ki rangbah donburom jong u, ki tnga jong u, bad ki tnga kliar jong u ki lah ban dih na ki.

KA BAIBL

² U Belshassar, ynda u la mad ïa ka Waiñ, u la hukum ban wallam ïa kita ki khiew ksiar khiew rupa ïa kiba u Nebukhadnessar u kpa jong u, u la lah shim na ka templ kaba ha Jerusalem; ba u syiem bad ki rangbah jong u, ki tnga jong u bad ki tnga kliar jong u, kin ïadih da ki.

DANIEL 5:2 Mawu Ofanana

2 SAMUEL 9:7

“Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

2 SYIEM 24:13

bad u la kit sha Babilon ïa baroh ki jingkynshew ha ka Templ bad ïingsyiem. Kumba U Trai u la ïathuhlypa, u Nebukhadnessar u la pynpait ïa baroh ki khiew ki pliang ksiar kiba u syiem Solomon u la thaw na ka bynta ban pyndonkam ha ka Templ.

2 SYIEM 25:15

Ki la rah lut ïa baroh kaba la thaw da ka ksiar lane ka rupa, kynthup ïa ki pliang barit bad ki khiew kiba ju pyndonkam ha kaba rah ïa ki rnga barhem.

2 KHRONIKL 11:20

Hadien u shongkurim ïa ka Maakah, ka khun jong u Absalom, bad ki don saw ngut ki khun shynrang: u Abijah, u Attai, u Sisa, bad u Shelomith.

2 KHRONIKL 15:16

U Syiem Asa u pynkynriah ïa ka Maakah ka kmierad jong u na ka kyrdan kum ka syiemsad, namar ka la thaw ka bleithaw kynsha jong ka Asherah ka blei jingseisoh. U Asa u pynpra ïa ka bleithaw, u pyndkut ïa ka, bad u thang ïa ki lyngkhot ha ka them Kidron.

2 KHRONIKL 36:10

Haba ka pyrem ka la poi, u syiem Nebukhadnessar u ïalam ïa u Jehoïakhin sha Babilon kum u koidi, bad u rah lang ïa ki jingkynshew jong ka Templ. Nangta u Nebukhadnessar u pynlong ïa u Sedekaïah u kñi jong u Jehoïakhin kum u syiem ka Judah bad ka Jerusalem.

2 KHRONIKL 36:18

U syiem ka Babilonia u lute ïa ka Templ, ïa ka ïing jingkynshew ka Templ, bad ka spah jong u syiem bad ki rangbah synshar jong u, bad u kit baroh sha Babilon.

ESRA 5:14

U la pynphai pat ïa ki khiew ki pliang ksiar bad rupa jong ka Templ kiba u Nebukhadnessar u la rah na ka Templ ha Jerusalem bad buh ha ka templ ha Babilon. U Syros u la aiti ïa kine ki khiew ki pliang ha u briew uba kyrteng u Sheshbassar, ïa uba u la thung kum u lat ka Judah.

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 50:35

U Trai u ong, “Ka Jingïap ïa ka Babilonia! Ka Jingïap ïa ki briew jong ka, ïa ki nongsynshar jong ka, ïa ki rangbah bastad jong ka.

JEREMAÏAH 52:19

Ki la shim baroh kiei kiei ba la shna da ka ksiar bad ka rupa; ki pliang rit, ki jingdiang ba ju pyndonkam ban rah ïa ki rnga barhem, ki pliang ba ju buh ïa ka snam na ki jingkñia, ki tiar buh dpei, ki diengpynïeng sharak, ki pliang ba pyndonkam ïa ki jingiwbih, bad ki pliang ba pyndonkam ha kaba theh ïa ki jingainguh waiñ.

DANIEL 1:2

U Trai u la shah ïa u ban kem ïa u Syiem Jehoïakim bad kurup katto katne ki jingkynshew jong ka Templ. U la shim pat katto katne ngut ki koidi lem bad u sha ka templ jong ki blei jong u ha Babilon, bad u la buh ïa ka jingkynshew ba la ïoh kurup ha ki jaka kynshew ka templ.

DANIEL 5:11

U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

DANIEL 5:13

Ïa u Daniel la wallam shisyndon shapoh sha ka jaka ba don u syiem, bad u syiem u la ong ha u, “Hato me dei u Daniel, uto u Jiw uba shah ringmraw ïa uba u kpa jong nga u syiem u la wallam hangne na Judah?

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 5:3

Shisyndon ïa ki khuri ksiar bad rupa la wallam shapoh, bad ma ki baroh ki la ïadih waiñ na ki

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

DANIEL 5:4

bad ki la ïaroh ïa ki blei kiba la thaw da ka ksiar, ka rupa, ka rnong, ka nar, ka dieng bad u maw.