AMOS 9:8 - Khasi CL Bible (BSI)

⁸ Ma nga, U Trai Nongsynshar, nga khmih ïa kane ka hima Israel kaba pop, bad ngan pynjot ïa ka na sla khyndew. Hynrei ngan ym pynjot ïa baroh ki khun ki ksiew u Jakob.

KA BAIBL

⁸ Ha khmih, ki khmat U Trai U Blei ki halor kata ka hima kaba pop, bad ngan pyndam noh ïa ka na khmat ka khyndew; tang ba ngan ym pynduh noh khoit ïa ka ïing u Jakob,” ong U Trai.

AMOS 9:8 Mawu Ofanana

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

JENESIS 7:4

Hynñiew sngi naduh mynta ngan pynhap ïa u slap ha ka khyndew sawphew sngi bad sawphew miet, khnang ban pynduh khoit ïa ki jingthaw ba-im baroh kiba nga la lah thaw.”

1 SYIEM 13:34

Kane ka pop kaba u la leh ka wanrah ïa ka jingpynjot bad jingduh jingdam noh ka longïing syiem jong u.

PROBERB 15:3

U Trai u ïohi kaei kaba jia ha ki jaka baroh; u khmih halor jong ngi, la ngi leh ïa kaba bha ne kaba sniew.

PROBERB 5:21

U Trai u ïohi ïa baroh kaba phi leh, kat shaba phi leit, u peit ïa phi.

JEREMAÏAH 30:11

Ngan wan sha phi bad pyllait im ïa phi. Ngan pynjot ïa ki jaitbynriew baroh sha kiba nga la pynsakma ïa phi, hynrei ngan ym pynjot ïa phi. Ngan ym shah ïa phi ban leit khlem shah pynshitom; hynrei haba nga pynshitom ïa phi, ngan long u bym leh shiliang. Ma nga, U Trai, nga la kren.”

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

JEREMAÏAH 46:28

Ngan wan ha phi bad pyllait im ïa phi. Ngan pynjot ïa ki hima baroh sha kiba nga la pynsakma ïa phi, hynrei ngan ym pynjot ïa phi. Ngan nym shah ba phin lait khlem shah pynshitom; hynrei haba nga pynshitom ïa phi, ngan lehhok. Ma nga, U Trai, nga la kren.”

JEREMAÏAH 5:10

Ngan phah ïa ki nongshun ban khet ïa ki bri sohwaiñ jong ki briew jong nga, hynrei ym ban pynjot khoit ïa ki. Ngan ong ïa ki ban khet noh ïa ki tnat jong ki, namar kito ki tnat kim dei ki jong nga.

HOSIA 1:4

U Trai u la ong ha u Hosia, “Pynkyrteng ïa u, u ‘Jesreel,’ namar kan ym slem shuh shuwa ba ngan pynshitom ïa u syiem ki Israel namar ki kam pynïap briew ba u kpa tymmen jong u, u Jehu u la leh ha Jesreel. Ngan pynkut noh ïa ka jingsynshar na ka longïing syiem jong u Jehu.

HOSIA 1:6

Ka Gomer ka la kha ïa i khun ba ar — ha kane ka por da i kynthei. U Trai u la ong ha u Hosia, “Pynkyrteng ïa ka, ‘ka Lo-Ruhamah’ namar ngan ym pyn-i jingieit shuh ïa ki briew ka Israel, lane map ïa ki.

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

AMOS 7:17

Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

AMOS 9:10

Ïa ki nongpop napdeng ki briew jong nga yn pynïap ha ka thma — ïa kito baroh kiba ong ‘U Blei un ym shah ïa kano kano ka jingma ban wan hajan jong ngi.’ ”

AMOS 9:4

Lada ki shah ringmraw ha ki nongshun jong ki, ngan hukum ïa ki ba kin pynïap. Nga la kut jingmut ban pynjot ïa ki, ym ban ïarap ïa ki.”

DEUTERONOMI 4:31

U long U Blei uba isynei. Un ym iehnoh lane pynjot ïa phi, bad un ym klet ïa ka jutang kaba u hi u la pynlong bad ki kpa tymmen jong phi.

DEUTERONOMI 6:15

Lada phi mane ïa kiwei pat ki blei, ka jingbitar U Trai kan wan bad thang ïa phi kum ka ding bad kan pynjot thiaw ïa phi, namar U Trai U Blei jong phi, uba don ryngkat bad phi, um lah shah ba phin shakri ïa kiwei pat ki blei.