AMOS 8:8 - Khasi CL Bible (BSI)

⁸ Bad kumta ka khyndew kan khynñiuh, bad uwei pa uwei ha ka ri un long ha ka jinglanot. Ka ri baroh kawei kan khynñiuh; kan kiew bad kan hiar kum ka wah Nile.

KA BAIBL

⁸ Hato ka ri kan ym khynñiuh namar kane, bad uwei uwei baroh uba shong ha ka un ym ïam? Shisha, kan shlei kum kata ka Wah; bad yn pynkhih kyrthep ïa ka bad kan them pat, kum ka Wah ka Ijipt.”

AMOS 8:8 Mawu Ofanana

SALM 18:7

Nangta ka khyndew ka la khynñiuh bad ka la khih; ki nongrim jong ki lumbah ki la khynñiuh bad kyiuh, namar ba U Blei u la bitar.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

JEREMAÏAH 12:4

Sa katno ba ka ri jong ngi kan tyrkhong, bad ba u phlang ha kawei pa kawei ka pyntha un ïapstai? Ki mrad bad ki sim ki ïap namar ka jingbymman jong ki briew jong ngi, ki briew kiba ong, ‘U Blei um ïohi ïa kaei kaba ngi leh.’ ”

JEREMAÏAH 46:7

Kaei kane kaba shlei kum ka Nile, kum ka wah kaba shlei ïa ki rud jong ka?

JEREMAÏAH 46:8

Ka dei ka Ijipt, kaba shlei kum ka Nile, kum ka wah ba shlei ïa ki rud jong ka. Ka Ijipt ka ong, ‘Ngan shlei bad ngan tyllep ïa ka pyrthei; ngan pynjot ïa ki nongbah bad ïa ki briew bashong hangta.

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 4:3

Bad kumta ka ri kan sa tyrkhong, kiei kiei baroh kiba im ha ka kin ïap. Baroh ki mrad bad ki sim, bad wat ki dohkha ruh, kin ïap.”

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

AMOS 9:5

U Trai Nongsynshar Badonbor Baroh u ktah ïa ka pyrthei, bad ka khynñiuh baroh kiba shong ha ka ki ïambriew, ka pyrthei baroh kawei ka kiew ka hiar kum ka wah Nile.

NAHUM 1:8

Kum ka jingsyllad ka jingshlei um bakhraw u pynjot thiaw ïa ki nongshun jong u; u phah sha ka jingïap jong ki ïa kito kiba pyrshah ïa u.

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.