AMOS 5:2 - Khasi CL Bible (BSI)

² Ka theisotti Israel ka la kyllon; Kan ym khie pat lano lano! Ka shah iehnoh ha ka khyndew Bad ym don uwei ruh u ban khyllie ïa ka.

KA BAIBL

² “Ka theisotti Israel ka la kyllon; kan ym khie shuh: la bred ei ïa ka ha la ka khyndew; ym don shuh u ban pynïeng ïa ka.”

AMOS 5:2 Mawu Ofanana

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 SYIEM 17:16

Ki pynkheiñ ïa baroh ki hukum U Trai U Blei jong ki bad ki thaw ar tylli ki khun masi da ka nar ban mane; ki thaw ruh ïa ka durblei jong ka blei Asherah, ki mane ïa ki khlur, bad ki shakri ïa u blei Baal.

ISAÏAH 14:21

Ai ba ka jingpynïap kan sdang! Ki khun shynrang jong une u syiem kin ïap namar ki pop jong ki kpa tymmen jong ki. Ym don mano mano na ki u ban synshar ïa ka pyrthei lane tap ïa ka da ki nongbah.”

ISAÏAH 24:20

Ka pyrthei hi kan khih kum u nongbuaid bad khih shane bad shatai kum ka ïingtrep ha ka 'erïong. Ïa ka pyrthei la pynkhia da ki pop jong ka; kan khyllem bad kan ym lah khie khlieh shuh.

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

ISAÏAH 37:22

U Trai u la ong “Ka nongbah Jerusalem ka rkhie ïa me, ko Sennakherib, bad ka ñiewbeiñ ïa me.

ISAÏAH 43:17

U la ïalam ïa ka kynhun shipai bakhlaiñ sha ka jingpynjot, ka kynhun shipai, ki kali ïapom bad ki kulai. Ki kyllon ha madan, kim lah khie shuh, ki lip kum ka thylliej ding ka sharak!

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 18:13

U Trai u ong, “Kylli ïa kawei pa kawei ka jaitbynriew la kaba kum kane kaei kaei ka la ju jia mynshuwa. Ki paid Israel ki la leh ïa kaei kaba shyrkhei!

JEREMAÏAH 2:27

Ïa phi baroh yn pynjahburom — ma phi kiba ong ba u dieng u dei u kpa jong phi bad ba u mawsiang u dei ka kmie jong phi. Kane kan jia namar ba phi la phai noh na nga ha ka jaka ba phin phai sha nga. Hynrei haba phi don ha ka jingjynjar, phi kyrpad ïa nga ban wan bad pynim ïa phi.

JEREMAÏAH 31:4

Sa shisien pat ngan tei ïa phi. Sa shisien pat phin shim ïa ki kanjari bad phin shad da ka jingkmen.

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

JEREMAÏAH 50:32

Ka hima basarong jong pha kan jynthut bad kyllon, bad yn ym don ban ïarap ban khyllie ïa pha. Ngan thang ïa ki nongbah da ka ding, bad kiei kiei baroh sawdong yn pynjot.”

JEREMAÏAH 51:64

‘Kane ka long kaei ka ban jia ïa ka Babilonia — kan ngam bad kan ym lah khie shuh, namar ka jingpynjot ba U Trai un wallam ha ka.’ ” Ki ktien jong u Jeremaïah ki kut hangne.

JEREMAÏAH 8:4

U Trai u la bthah ïa nga ban ong ha ki briew jong u, “Haba uno uno u kyllon, hato un ym ïeng pat? Lada uno uno u bakla lynti, hato un ym wan phai pat?

JEREMAÏAH 9:21

Ka jingïap ka la wan shapoh lyngba ki jingkhangïit jong ngi bad ka la rung sha ki ïingsyiem jong ngi; ka la ot ïa ki khynnah ha ki surok bad ïa ki samla shynrang ha ki jaka ïew.

JEREMAÏAH 9:9

Hato ngan ym pynshitom ïa ki na ka bynta kine kiei kiei? Hato ngan ym pynhiarkput halor ka jaitbynriew kaba kum kane? Ma nga, U Trai, nga la kren.”

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 6:2

Ha ki ar ne lai sngi un pynim ïa ngi, bad ngin ïoh im ha ka jingdon ryngkat jong u.

AMOS 8:14

Kito kiba smai ha ki bleithaw jong ka Samaria, kiba ong, ‘Da u blei jong ki Dan,’ lane, ‘Da u blei jong ki Beersheba,’ — kito ki briew kin kyllon, bad kin ym khie pat.”

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.