2 TIMOTHI 3:15 - Khasi CL Bible (BSI)

¹⁵ Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

KA BAIBL

¹⁵ bad ba na myndang khunlung me la tip ïa kita Ki Jingthoh Bakhuid, kiba lah ban pynstad ïa me sha ka jingpynim da ka jingngeit kaba ha U Khrist Jisu.

2 TIMOTHI 3:15 Mawu Ofanana

2 KHRONIKL 34:3

Ha ka snem kaba phra ba u Josaïah u long syiem, haba u dang khynnah bha, u sdang ban mane ïa U Blei jong u syiem Dabid u kpa tymmen jong u. Saw snem hadien u sdang ban pynjot ïa ki jaka mane blei thala, ki dur jong ka blei Asherah, bad baroh kiwei de ki bleithaw.

SALM 19:7

Ka aiñ jong U Trai ka long kaba janai, ka ai ka jingkhlaiñ kaba thymmai. Ki hukum jong U Trai ki long kiba lah ban shaniah, kiba ai jingstad ha kito ki bym don ïa ka.

SALM 71:17

Me la hikai ïa nga naduh ba nga dang samla, bad nga dang ïai ïathuh ïa ki kam kiba phylla jong me.

PROBERB 22:6

Hikai ïa u khynnah kumno u dei ban im, bad un kynmaw ïa ka baroh shi rta ka jingim jong u.

PROBERB 8:17

Nga ieit ïa kito kiba ieit ïa nga; kita kiba wad ïa nga kin shem ïa nga.

EKLESIASTIS 12:1

Kumta to kynmaw ïa la U Nongthaw katba phi dang samla ha shuwa ka jingwan kito ki sngi bad ki snem ba-dum ha kaba phin ong, “ngam sngewtynnat ïa ka jingim.”

MATHAÏOS 22:29

U Jisu u la jubab ïa ki, “A katno phi long kiba bakla! Ka long namar ba phim tip ïa ki jingthoh bakhuid lane ïa ka bor U Blei.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 2:40

U khynnah u la san bad u la nang khlaiñ; u la dap da ka jingstad, bad ki jingkyrkhu U Blei ki la long halor jong u.

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

LOUKAS 24:32

Ki la ong para ma ki, “Hato kam shym la long kum ka ding kaba klang hapoh jong ngi mynba u la kren ha ngi ha ka lynti bad batai ïa ki Jingthoh Bakhuid ha ngi?”

LOUKAS 24:45

Nangta u la plie ïa ki jingpyrkhat jong ki ban shemphang ïa ki Jingthoh Bakhuid, bad u la ong ha ki,

ÏOANNIS 5:47

Hynrei ba phim ngeit ïa kaei kaba u la thoh, kumno phi lah ban ngeit ïa kaei kaba nga ong?”

KI KAM 10:43

Baroh ki nongïathuhlypa ki la kren shaphang jong u, da kaba ong ba uno uno uba ngeit ha u un ïoh ka jingmap ïa ki pop lyngba ka bor jong ka kyrteng jong u.”

KI KAM 13:29

Bad hadien ba ki la lah pyndep ïa kaei kaei baroh kaba ki Jingthoh Bakhuid ki ong shaphang jong u, ki la pynhiar noh ïa u na ka diengphna bad ki la buh ïa u ha ka jingtep.

KI KAM 16:1

U Paul u la nang leit sha Derbe bad Lystra, ha kaba uwei u Khristan uba kyrteng u Timothi u shong u sah. Ka kmie jong u, kaba long ruh ka Khristan, ka long ka Jiw, hynrei u kpa jong u, u long u Grik.

KI KAM 17:2

Kumba u ju leh, u Paul u la leit sha ka synagog. Hangta, ha ki lai tylli ki sngi Sabbaton u la ïatainia bad ki paidbah,

KI KAM 26:24

Katba u Paul u dang ïasaid da ïa lade ha kane ka rukom, u Phestos u la pyrta ha u, “Me la lamwir, ko Paul! Ka jingstad bakhraw jong me ka la pynlamwir ïa me!”

Ka Shithi U Paul Sha Ki Nong Rom 1:2

Ïa ka Khubor Babha la kular la slem bah da U Blei lyngba ki nongïathuhlypa jong u, kumba la thoh ha ki Jingthoh Bakhuid.

Ka Shithi U Paul Sha Ki Nong Rom 16:26

Mynta pat, ïa kata ka jingshisha la pynmih ha kaba paw lyngba ki jingthoh jong ki nongïathuhlypa; bad da ka hukum jong U Blei bymjukut, ïa ka la pyntip sha baroh ki jaitbynriew, khnang ba baroh ki lah ban ngeit bad kohnguh.

Ka Shithi U Paul Sha Ki Nong Rom 2:27

Bad kumta ma phi ki Jiw phin shah pynrem ha ki Jentil namar phi pynkheiñ ïa ka Hukum, wat la na ka bynta jong phi ïa ka Hukum la thoh bad ïa phi la otsher; hynrei ki kohnguh ïa ka Hukum, wat la ym shym la otsher ïa ki ha ka doh.

1 KORINTH 1:21

Naba U Blei ha ka jingstad jong u, um shym la pynlah ïa ki briew ban ithuh ïa u da ka jingstad jong ki hi. Pynban da kata kaba la khot ka khubor “ba-ibieit” kaba ngi ïalap, U Blei u la ibit ban pynim ïa kito kiba ngeit ïa ka.

EPHESOS 6:4

Phi ruh ki kmie ki kpa, wat leh ïa la ki khun ha kata ka rukom ban pynbitar ïa ki, pynban to pynheh pynsan ïa ki ha ka jingsneng bad jinghikai ba kynja mynsiem.

DEUTERONOMI 4:6

Sumar bad lehhok ïa ki, bad kata hi kan kren ha ki briew jong kiwei pat ki jaitbynriew haduh katno phi long kiba stad bad kiba shemphang. Haba ki ïohsngew shaphang kine ki aiñ, kin sa ïa-ong, ‘Haduh katne pleng, kane ka jaitbynriew ka don ka jingstad bad ka jingshemphang!’

1 TIMOTHI 4:13

Tad ynda nga wan, to ai ïa ka por jong me bad ka jingpyrshang ban pule paidbah ïa ki Jingthoh Bakhuid bad ban ïalap bad hikai.

2 TIMOTHI 1:1

Na u Paul, u apostol U Khrist Jisu da ka mon U Blei, ha uba la phah pynbna ïa ka jingim ba la kular kaba ngi don ha U Khrist Jisu —

2 TIMOTHI 1:5

Nga kynmaw ïa ka jingngeit basngur kaba me don, ka jingngeit kaba kum ka jong ka kmierad jong me ka Lois bad kaba ka kmie jong me ka Ïuniki ruh ka don. Nga sngewthikna ba me ruh me don ïa ka.

2 PETROS 3:16

Kane ka long kaei kaba u ong ha ki shithi jong u baroh haba u thoh halor kane ka phang. Don katto katne kiei kiei kiba eh ha ki shithi jong u ha kiba ki bym da shemphang bad ki briew ki bymneh jingmut ki batai bakla, kumba ki leh ïa kiwei pat ki bynta ha ki Jingthoh Bakhuid. Kumta ki wanrah hi ïa la ka jingjot.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

1 SAMUEL 2:18

Ha kata ka por u khynnah Samuel u ïai shakri ïa U Trai, u da phong da ka sopti-lor da ka jaiñ linen kaba kyntang.