2 TIMOTHI 2:22 - Khasi CL Bible (BSI)

²² To kiar noh na ki jingkwah brai ka jinglong samla, bad ïaleh tyngeh na ka bynta ka hok, ka jingngeit, ka jingieit, bad ka jingsuk, lem bad kito kiba da ka dohnud basngur ki khot kyrpad ïa U Trai na ka bynta ka jingïarap.

KA BAIBL

²² Hynrei, to phet ïap noh na ki jingkwah brai ka jinglong samla; bad to beh brai ïa ka hok, ïa ka jingngeit, ïa ka jingieit, ïa ka jingsuk, lem bad kita kiba khot kyrpad ïa U Trai na ka dohnud bakhuid.

2 TIMOTHI 2:22 Mawu Ofanana

SALM 119:9

Da kumno u samla un lah ban sumar khuid ïa la ka jingim? Da kaba kohnguh ïa ki hukum jong me.

SALM 17:1

To shahshkor, A Trai, ïa ka jingkyrpad jong nga ïa ka jingbishar hok; to sngap ïa ka jingkyang jong nga ban ïoh jingïarap! To shahshkor ïa ka jingduwai sngur mynsiem jong nga.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 6:5

Pyllait na kata ka jingriam kum ka sim ne ka skei kaba pyllait ïa lade na u nongbeh mrad.

PROBERB 7:8

U dang ïaid ha lynti najan ka dong ha kaba shong kawei ka kynthei. U dang ïaid lyngba najan ïing jong ka

LEBITIKOS 15:18

Hadien ka jingïathiah shongkha, baroh ar ngut u briew bad ka briew ki dei ban sum, bad ki long ki bymkhuid haduh janmiet.

KI KAM 7:59

Ki la ïai lynthem maw ïa u Stephan katba u dang khot kyrpad ïa U Trai, “A Trai Jisu, to pdiang ïa ka mynsiem jong nga!”

KI KAM 9:14

Bad u la wan poi sha Damaskos lem bad ka bor na ki rangbah lyngdoh ban kem ïa baroh kiba mane ïa me.”

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 14:19

Te kumta, ngi dei borabor ban thmu ban leh ïa kita kiei kiei kiba wallam ka jingsuk bad kiba ïarap ban pynkhlaiñ iwei ïa iwei pat.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

1 KORINTH 10:14

Kumta te, ko ki paralok ba-ieit jong nga, to kiar noh na kaba mane ïa ki bleithaw.

1 KORINTH 14:1

Ka dei ka jingieit keiñ, ba phi dei ban ïabeh. To ai ba dohnud kan kwah hir hir ïa ki jingai ba kynja mynsiem, khamtam ïa ka jingai ban pynbna ïa ka khubor U Blei.

1 KORINTH 6:18

To kiar na ka jingleh awria. Kano kano kawei pat ka pop kaba u briew u leh kam ktah ïa ka met jong u; hynrei u briew uba leh awria u leh pop ïa kata ka met jong u.

1 TIMOTHI 1:14

Bad U Trai jong ngi u la theh noh buk ïa ka jingaiei ba-dap kyrhai ha nga bad u la ai ha nga ïa ka jingngeit bad ïa ka jingieit kiba long ki jong ngi ha U Khrist Jisu.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

1 TIMOTHI 4:12

Wat ai ïano ïano ban ñiewbeiñ ïa me namar ba me long uba dang samla, hynrei to long ka nuksa ïa ki bangeit ha ka ktien, ha ka jinglong jingim, ha ka jingieit, ha ka jingngeit, bad ka jinglongkhuid jong me.

1 TIMOTHI 6:11

Hynrei ma me, ko u briew jong U Blei, to kiar na kine kiei kiei. To ïaleh tyngeh ïa ka hok, ka jingriewblei, ka jingngeit, ka jingieit, ka jingïaishah, bad ka jingjemnud.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

1 PETROS 2:11

Nga kyrpad ïa phi, ko ki paralok jong nga, kum ki sohshnong bad ki nongphetwir ha kane ka pyrthei! Wat aiti noh ha ki jingkwah brai jong ka doh, kiba long borabor ha ka jingïaleh thma pyrshah ïa ka mynsiem.

1 PETROS 3:11

U dei ban phai noh na kaba sniew bad ban leh ïa kaba bha; u dei ban ïaleh shitom na ka bynta ka jingsuk da ka dohnud jong u baroh.

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.