2 TIMOTHI 2:15 - Khasi CL Bible (BSI)

¹⁵ To leh ïa kaba bha tam ban ïoh ïa ka jingpynksan ba-pura ha khmat U Blei, kum u nongtrei u bymlehraiñ ïa la ka kam, uta uba hikai beit ïa ka khubor jong ka jingshisha U Blei.

KA BAIBL

¹⁵ To pyrshang smat ban aiti ïa lade ba la pdiang hun da U Blei, kum u nongtrei u bymdonkam ban lehrain, uba ïasam beit ïa ka ktien ka jingshisha.

2 TIMOTHI 2:15 Mawu Ofanana

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MARKOS 4:33

U Jisu u la ïalap ïa ka khubor jong u ha ki briew, u da pyndonkam shibun kiwei pat ki pharshi kum kine; u la ïathuh shibun ïa ki kat kaba ki lah ban sngewthuh.

LOUKAS 12:42

U Trai u la jubab, “Uei, te, uba long u shakri uba ïaineh bad uba stad? U long uta uba u kynrad jong u un buh ïa u ban khmih, ban pynïaid ïa ka longïing bad ai ha kiwei ki shakri ïa ka bhah jingbam jong ki ha ka por kaba dei.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

Ka Shithi U Paul Sha Ki Nong Rom 14:18

Bad haba uno uno u shakri ïa U Khrist ha kane ka rukom, u pynsngewbha ïa U Blei bad la pdiang da kiwei pat.

Ka Shithi U Paul Sha Ki Nong Rom 16:10

Ki jingkhublei ïa u Apelles, uba ïa ka jingïaineh ha U Khrist la pynshisha. Ki jingkhublei ïa kito kiba na ka longïing jong u Aristobulos.

Ka Shithi U Paul Sha Ki Nong Rom 6:13

Lymne ba phi dei ban pyndem ïa kano kano ka bynta jong phi sha ka pop ha ka jingpyndonkam na ka bynta ki jingthmu bymman. Pynban, phi dei ban ai ïa lade sha U Blei, kum kito ïa kiba la wallam pat na ka jingïap sha ka jingim, bad ban pyndem ha u ïa la ka jingim baroh kawei, ban pyndonkam na ka bynta ki jingthmu bahok.

1 KORINTH 2:6

La katta ruh, nga pynbna ïa ka khubor jong ka jingstad sha kito kiba la san ha ka jinglong mynsiem. Hynrei, kam long ka jingstad jong kane ka pyrthei lane jong ki bor kiba synshar ïa kane ka pyrthei — ki bor ki ban sa duh noh ïa ka bor jong ki.

2 KORINTH 10:18

Naba ka long haba U Trai u pyrkhat bha ïa u briew, ba u briew u long uba la pdiang hun, bad ym haba u briew u pyrkhat bha shaphang ïa lade.

2 KORINTH 3:6

dei ma u, uba pynlah ïa ngi ban shakri ïa ka jutang kaba thymmai, kaba khlem kynthup ïa ka hukum ba la thoh hynrei kaba da U Mynsiem. Ka hukum ba la thoh ka wallam ïa ka jingïap, hynrei U Mynsiem u ai jingim.

2 KORINTH 4:2

Ngi buh noh sharud ïa baroh ki kam barieh bad ba pynlehrain; ngim shym leh da ka jingshukor, lymne ngim pynbakla ïa ka ktien jong U Blei. Ha ka jingshai kaba pura jong ka jingshisha, ngi im ha khmat U Blei bad ngi pyrshang ban aiti ïa lade sha ka jingïatiplem babha jong uwei pa uwei.

2 KORINTH 5:9

Pynban, palat ban ïa kaei kaei baroh, ngi kwah ban pynsngewbha ïa u, la ngi don ha kane ka ïing hangne lane hangtei.

GALATIA 1:10

Hato kane ka i kumba nga pyrshang ban ïoh jingpynshisha na u briew? Em, ym kumta! Kaei kaba nga kwah ka long ban pynshisha na U Blei! Hato nga pyrshang ban pynsngewbha ïa ki briew? Lada nga dang long uba pyrshang ban leh kumta, ngam pat long u shakri U Khrist.

EPHESOS 1:13

Bad ma phi ruh, kiba la kylla long ki briew jong U Blei mynba phi la ïohsngew ïa ka khubor kaba shisha, ka khubor babha kaba wallam ïa phi ka jingpynim. Phi la ngeit ha U Khrist, bad U Blei u la buh ïa ka jingshonshab ka jinglong trai ha phi da kaba ai ha phi ïa U Mynsiem Bakhuid uba u la kular.

1 THESSALONI 2:4

Pynban, ngi kren borabor kumba U Blei u kwah ïa ngi kumta, namar u la ñiew ïa ngi kiba bit ban shaniah ïa ka Khubor Babha. Ngim shym pyrshang ban pynsngewbha ïa ki briew, hynrei, ban pynsngewbha ïa U Blei, uba tynjuh ïa ki jingthmu jong ngi.

1 THESSALONI 5:14

Ngi kyntu ïa phi, ko parabangeit jong ngi, ban maham ïa kiba jaipdeh, ban pynshlur ïa kiba khawpud, ban ïarap ïa kiba tlot, ban ïaishah ïa baroh.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

HEBRU 4:11

Te, to ngin ïaleh shitom ban ïohpdiang ïa kata ka jingjahthait, kumta ba yn ym don uwei ruh na ngi u ban duh noh kum ma ki namar ba kim don ka jingngeit.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

2 PETROS 1:10

Naba kumta, ko ki parabangeit jong nga, to pyrshang kham tyngeh ban pynlong ïa ka jingkhot jong U Blei bad ka jingjied jong u ïa phi, ka jingshem baneh junom; lada phi leh kumta, phin ym iehnoh da lei lei ïa ka jingngeit jong phi.

2 PETROS 1:15

Ngan leh ïa kaba bha tam ka jong nga, nangta, ban thaw ka lad na ka bynta jong phi ban kynmaw ïa kine kiei kiei ha ki por baroh hadien ka jingïap jong nga.

2 PETROS 3:14

Bad kumta, ko ki paralok jong nga, katba phi dang ap ïa kata ka Sngi, to leh ïa kaba bha tam ka jong phi ban long kiba khlem thohbria bad kiba khlem shah kynnoh pop ha khmat U Blei bad ban don ka jingïasuk bad u.