2 TIMOTHI 1:7 - Khasi CL Bible (BSI)

⁷ Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.

KA BAIBL

⁷ Namar U Blei um shym la ai ha ngi, ka mynsiem ka jingsheptieng; hynrei, ka jong ka bor, bad ka jong ka jingieit, bad ka jingleh adkar.

2 TIMOTHI 1:7 Mawu Ofanana

SALM 119:80

Ai ba ngan kohnguh janai ïa ki hukum jong me, ba ngan lait na ka jinglehrain ka jingshahjop.

PROBERB 2:7

U ai jingïarap bad jingïada ïa kiba hok, ki briew kiba im hok.

PROBERB 8:14

Nga don ki jingthmu bad nga pyntreikam ïa ki; nga don ka jingshemphang, bad nga don ka bor.

ISAÏAH 11:2

U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

LOUKAS 10:19

Shahshkor! Nga la ai ha phi ka bor, khnang ba phi lah ban ïaid halor ki bseiñ bad ki 'ñianglartham bad jop ïa ka bor baroh jong u Nongshun, bad ym don kano kano ka ban pynmynsaw ïa phi.

LOUKAS 15:17

Ha kaba khatduh u la kyndit bynriew bad u la ong, ‘Baroh ki nongtrei wai jong i pa jong nga ki don kyrhai ban ïa kaba ki lah ban bam, bad nga pat hangne ngan sa ïapthngan!

LOUKAS 24:49

Bad nga hi ngan phah halor jong phi ïa kaei kaba U Kpa jong nga u la kular. Hynrei phi dei ban ap ha ka nongbah tad ynda ka bor ba najrong ka wan hiar halor jong phi.”

LOUKAS 8:35

Ki briew ki la ïaleit ban peit ïa kaei kaba la lah jia, bad haba ki la poi ha U Jisu, ki la shem ïa u briew na uba ki ksuid ki la mihnoh, ba u da shong ha ki kjat jong U Jisu, u la phong jaiñ bad ha ka jingtipbriew; bad baroh ki la sheptieng.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 21:13

Hynrei u la jubab, “Phi ïaleh aïu, da kaba ïam kumne bad pynpait ïa ka dohnud jong nga? Nga la kloi ym tang ban shah khum ha Jerusalem hynrei wat ban ïap ruh hangta na ka bynta U Trai Jisu.”

KI KAM 26:11

Bunsien nga la phah pynshitom ïa ki ha ki synagog baroh bad pyrshang ban pynlong ïa ki ban len ïa la ka jingngeit. Nga la bitar haduh katta katta ïa ki ba nga da leit sha ki nongbah nongwei ban pynshitom beiñ ïa ki.

KI KAM 26:25

U Paul u la jubab, “Ngam shym lamwir, ko Kynrad badonburom! Nga kren ïa ka jingshisha ha ka jingtipbriew.

KI KAM 6:8

U Stephan, u briew uba la kyrkhu eh da U Blei bad uba dap da ka bor, u la leh ïa ki kambah bad ki kamphylla hapdeng ki briew.

KI KAM 9:22

Hynrei ka jingïalap jong u Saul ka la nang kham khrawbor, bad ki jingpynshisha jong u ba U Jisu u long U Messaïah ki long kiba skhem ba ki Jiw kiba shong basah ha Damaskos kim lah ban jubab ïa u.

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

KOLOSSAI 1:8

U la ïathuh ha ngi ïa ka jingieit kaba U Mynsiem u la ai ha phi.

HEBRU 2:15

bad ha kane ka rukom, un pyllait ïa kita baroh kiba la long ki mraw shi lynter ka jingim jong ki, namar ka jingsheptieng jong ki ïa ka jingïap.

1 PETROS 1:22

Mynta ba da ka jingkohnguh jong phi ha ka jingshisha phi la pynkhuid ïa lade bad ïa ka ban don ka jingieit parabangeit ba khlem arsap, to phin da ieit shitrhem paralok da la ka dohnud baroh.

1 ÏOANNIS 4:18

Ym don ka jingsheptieng ha ka jingieit; ka jingieit kaba janai ka beh noh ïa ka jingsheptieng baroh. Kumta te, ïa ka jingieit ym shym la pynjanai ha uno uno uba sheptieng, namar ka jingsheptieng ka don jingïadei bad ka jingpynshitom.