2 SAMUEL 9:3 - Khasi CL Bible (BSI)

³ U syiem u kylli ïa u, “Don mano mano ba dang sah na ka longïing u Saul ïa uba nga lah ban pyn-i ka jingïaineh bad ka jingbhasbun ïa u, kumba nga la kular ha U Blei ba ngan leh?” U Siba u jubab, “Don sa tang uwei na ki khun shynrang jong u Jonathan. U dei uba dkoh.”

KA BAIBL

³ Bad u syiem u la kylli, “Don ne em uno uno uba dang sah na ka ïing u Saul, ba ngan ïoh leh ïa ka jingisynei U Blei ïa u?” Te u Siba u la ïathuh ha u syiem, “Dang sah sa uwei u khun u jong u Jonathan, u ba-dkoh ki kjat.”

2 SAMUEL 9:3 Mawu Ofanana

2 SAMUEL 19:26

U jubab, “Kumba phi tip, ko Syiem Kynrad, nga dei uba dkoh. Nga la ong ïa la u shakri ban teh jin ïa ka kada jong nga ba kumta nga lah ban shong lem bad phi, hynrei u la shet shukor ïa nga.

2 SAMUEL 19:27

U la lamler shaphang jong nga ha phi ko Syiem kynrad; hynrei phi, phi long kum u angel U Blei, kumta leh ïa kaei kaba idei ïa phi.

2 SAMUEL 4:4

Uwei pat u nonghiarpateng jong u Saul, u dei u Mephibosheth, u khun jong u Jonathan, uba la dap san snem ka rta mynba u Saul bad u Jonathan ki la shah pynïap. Haba ka khubor shaphang ka jingïap jong ki ka la wan poi na ka nongbah Jesreel, ka nongsumar jong u ka la rah ïa u bad ka phet krad; hynrei namar ka jingkyrkieh palat ka la pynhap ïa u, bad u la kylla long uba dkoh.

2 SAMUEL 9:13

Kumta u Mephibosheth, uba la dkoh ki kjat baroh ar tylli, u la shong la sah ha Jerusalem, u da bam ïa baroh ki jingbam jong u ha ka miej bam jong u syiem.

2 SAMUEL 9:7

“Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

LOUKAS 6:36

Long kiba sngewsynei kumba U Kpa jong phi u long uba sngewsynei.

DEUTERONOMI 10:15

Hynrei ka jingieit U Trai ïa ki kpa tymmen jong phi ka long kaba khraw katta katta ba u la jied ïa phi napdeng ki jaitbynriew baroh, bad phi dang long haduh mynta ka jaitbynriew ba la jied jong u.

DEUTERONOMI 4:37

Namar ka jingieit ïa ki kpa tymmen jong phi, u la jied ïa phi, bad da ka borbah jong u, u hi da lade u la wan ïalam ïa phi na Ijipt.