2 SAMUEL 8:3 - Khasi CL Bible (BSI)

³ Nangta u la jop ïa u khun jong u Rehob, u Hadadeser, u syiem ka hima Sobah jong ka Syria, katba u Hadadeser u dang don ha lynti ban pynïoh pat ïa la ka bor synshar halor ka ri harud ka wah Ïuphratis kaba shaneng.

KA BAIBL

³ U Dabid u la shoh ruh ïa u Hadadeser u khun u Rehob, u syiem ka Sobah, mynba u dang leit ïa ka ban knieh noh ïa la ka hima hajan ka Wah Ïuphratis.

2 SAMUEL 8:3 Mawu Ofanana

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

2 SAMUEL 10:15

Ki Syria ki sngewthuh ba ki la shahjop ha ki Israel, bad kumta ki lumlang ïa ki kynhun shipai jong ki baroh.

2 SAMUEL 10:16

U Syiem Hadadeser u la phah khot ïa ki Syria kiba don ha ka phang mihngi jong ka wah Ïuphratis, bad ki la wan sha Helam ha ka jingïalam u Shobakh, u rangbah ai hukum jong ka kynhun shipai jong u Hadadeser u syiem Sobah.

2 SAMUEL 10:19

Haba ki syiem kiba shah synshar ha u Hadadeser ki sngewthuh ba ki la shahjop ha ki Israel, ki la pynlong ka jingïasuk bad ki bad ki kylla long ki raïot jong ki. Bad ki Syria ki la sheptieng ban ïarap biang ïa ki Ammon.

2 SAMUEL 10:6

Ki Ammon ki la sngewthuh ba ki la pynlong nongshun ïa u Dabid, kumta ki la phah wai arphew hajar ngut ki shipai Syria na Bethrehob bad na Sobah, khat-ar hajar ngut ki rangbah na Tob, bad ïa u syiem Maakah lem bad shihajar ngut ki rangbah.

1 SYIEM 4:21

Ka hima u Solomon ka kynthup ïa baroh ki ri naduh ka wah Ïuphratis haduh ka ri ki Philistia bad ka pud Ijipt. Ki la siew khajna ïa u bad ki la hap hapoh jong u katba u dang im.

1 KHRONIKL 18:3

Nangta u Dabid u tur ïaleh ïa u syiem Hadadeser jong ka jylla Sobah jong ka Syria, kaba hajan ka ri Hamath, namar u Hadadeser u la pyrshang ban jop ïa ka ri kaba shaphang shaneng ka Ïuphratis.

2 KHRONIKL 8:3

U la ïohknieh ïa ka jaka Hamath bad Sobah bad u kerkut ïa ka nongbah Palmyra ha ka ri shyiap.

SALM 60:1

Me la kyntait ïa ngi, A Blei, bad me la jop ïa ngi; me la bitar ïa ngi — hynrei mynta to phai pat sha ngi.

SALM 72:8

Ka hima jong u kan kot na ka duriaw sha ka duriaw, na ka Ïuphratis sha kiba kut jong ka pyrthei.

EKSODOS 23:31

Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

DEUTERONOMI 11:24

Ka khyndew baroh ha kaba phin ïuhkjat kan long ka jong phi. Ka ri jong phi kan ïar naduh ka ri shyiap shaphang shathie haduh ki lum Lebanon shaphang shatei, bad naduh ka wah Ïuphratis shaphang mihngi haduh ka Duriaw Mediterranian shaphang sepngi.

1 SAMUEL 14:47

Hadien ba u Saul u la long u syiem ki Israel, u la ïaleh ïa baroh ki nongshun jong u kylleng: ki paid Moab, Ammon, Edom, ki syiem ka Sobah, bad ki Philistia. Man kaba u ïaleh u jop.