2 SAMUEL 24:10 - Khasi CL Bible (BSI)

¹⁰ Hynrei hadien ba u Dabid u la dep shim ïa ka jingkheiñbriew, ka jingïatiplem jong u ka la sdang ban pynshitom ïa u, bad u ong ha U Trai, “Nga la leh ïa ka pop kaba shyrkhei ha kaba leh ïa kane! Sngewbha map ïa nga. Nga la leh bieit.”

KA BAIBL

¹⁰ Te ka dohnud u Dabid ka la shoh ïa u, hadien ba u la kheiñ ïa u paidbah. Bad u Dabid u la ong ha U Trai, “Nga la leh pop shikatdei ha kaba nga la leh: hynrei mynta, A Trai, nga kyrpad ïa me, to pyndam noh ïa ka jingleh bymman u shakri jong me; naba nga la leh bieit eh.”

2 SAMUEL 24:10 Mawu Ofanana

2 SAMUEL 12:13

“Nga la leh pop pyrshah ïa U Trai,” U Dabid u la ong. U Nathan u jubab, “U Trai u map ïa phi; phin ym ïap.

2 SAMUEL 24:17

U Dabid u la ïohi ïa u angel uba u pynïap ïa ki briew, bad u ong ha U Trai, “Dei ma nga uba la leh pop. Nga dei uta uba la leh bakla. Kine ki briew bapli ki la leh aïu? Me dei ban pynshitom ïa nga bad ïa ka longïing jong nga.”

1 SYIEM 8:35

“Haba me khang ïa u slap ban hap namar ba ki briew ki la leh pop pyrshah ïa me, bad nangta haba ki kylla-kaba-mut bad phai khmat sha kane ka Templ, ki da kyrpad da kaba sngewrit ha me, to shahshkor ïa ki na bneng.

1 KHRONIKL 21:7

La pynsngewsih ïa U Blei da kaei kaba la dep leh, kumta u la pynshitom ïa ki Israel.

1 KHRONIKL 21:8

U Dabid u ong ha U Blei, “Nga la leh ïa ka pop kaba shyrkhei eh ha kaba leh ïa kane! Sngewbha map ïa nga. Nga la leh bieit.”

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

2 KHRONIKL 32:26

Khatduh pat u Hesekaïah bad ki briew ka Jerusalem ki pynrit ïa lade, bad kumta U Trai um shym pynshitom ïa ki briew haduh hadien ka jingïap u Hesekaïah.

Ka Kitab U Job 7:21

Mem lah ban map da lei lei ïa ki pop jong nga? Hato mem lah ban map ïa ka jingbymdei ba nga leh? Shen, ngan sa don ha la ka jingtep bad ngan ym don shuh haba men khmih ïa nga.

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

EKSODOS 10:16

Nangta u Pharaoh u phah khot kyrkieh ïa u Moses bad u Aaron, bad u ong, “Nga la leh pop pyrshah ïa U Trai U Blei jong phi, bad ïa phi ruh.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

JINGKHEIÑ 12:11

u la ong ha u Moses, “Sngewbha, ko kynrad, wat pynlong ïa ngi ban shah pynshitom namar ka jingleh pop ha ka jingbieit.

MARKOS 7:22

ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

ÏOANNIS 1:29

Ha ka sngi kaba bud, U Ïoannis u la ïohi ïa U Jisu ba u wan sha u, bad u la ong, “Ha khmih, U Khunlangbrot jong U Blei, uba kit noh ïa ka pop jong ka pyrthei!

ÏOANNIS 8:9

Haba ki la ïohsngew ïa kane, baroh ki la phet, uwei hadien uwei, nyngkong kiba kham rangbah. U Jisu u la sah marwei, lem bad kata ka briew kaba shu ïeng hangta.

DEUTERONOMI 32:6

Pleng da kumne mo phi siew kylliang ïa U Trai, a, phi ka jaitbynriew kaba bieit bad kaba anna? Hato um dei u kpa jong phi, uba la thaw ïa phi, uba la seng ïa phi kum kawei ka jaitbynriew?

TITOS 3:3

Naba ngi ruh ngi la long shisien kiba bieit, ki bymkohnguh bad kiba leh bakla. Ngi la long ki mraw ha ki jingkwah brai bad ki jingsngewbha babun jait. Ngi la pynlut ïa la ka jingim ha ka jingsniew bad jingpihuiñ; kiwei ki la isih ïa ngi bad ngi la isih ïa ki.

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

1 SAMUEL 13:13

“Kata ka la dei ka jingleh bieit,” u Samuel u jubab. “Phim shym la kohnguh ïa ka hukum kaba U Trai U Blei jong phi u la ai ha phi. Lada phi la kohnguh, un jin da la shah ïa phi bad ïa ki khun ki ksiew jong phi ban synshar ïa ki Israel junom.

1 SAMUEL 24:5

Hynrei ka jingïatiplem jong u Dabid ka sdang ban pynjynjar ïa u,

1 SAMUEL 24:6

bad u ong ha la ki rangbah, “To U Trai un bat ïa nga na kaba pynmynsaw ïa u kynrad jong nga, ïa uba U Trai u la jied kum u syiem! Ngam dei ban pynmynsaw ïa u, naba u dei u syiem ba la jied da U Trai!”

1 SAMUEL 26:21

U Saul u jubab, “Nga la leh bakla; wan phai pat ko Dabid, u khun jong nga. Namar ba phi la kheiñ kor ïa ka jingim jong nga ha kane ka miet, lano lano ngan ym pynmynsaw shuh ïa phi. Nga la leh bieit shisha, bad nga la bakla palat.”