2 SAMUEL 20:10 - Khasi CL Bible (BSI)

¹⁰ U Amasa um shym don jingïada na ka waitlam kaba u Joab u bat ha kawei pat ka kti jong u, bad u Joab u la dung ïa u na ka kpoh, bad ki snier jong u ki mih shaid ha madan. U ïap ha shen, bad u Joab um donkam ban dung biang sa shisien. Nangta u Joab bad u Abishai, u para jong u ki la leit thwet ïa u Sheba.

KA BAIBL

¹⁰ Hynrei, u Amasa um shym khmih ïa kata ka waitlam ha ka kti u Joab: kumta u la dung ïa u da ka na ka kpoh, bad u la pynmih noh ïa ki snier jong u ha ka khyndew, bad um shym shoh pat ïa u; bad u la ïap. Te u Joab bad u Abishai u para jong u ki la beh nadien u Sheba u khun u Bikhri.

2 SAMUEL 20:10 Mawu Ofanana

JENESIS 4:8

Nangta u Kain u ong ïa u Abel u para jong u, “Ïa ngin ïaleit sha lyngkha.” Haba ki la don ha lyngkha, u Kain u la shoh ïa la u para bad u la pynïap ïa u.

2 SAMUEL 2:23

Hynrei u Asahel um shym sangeh; kumta u Abner, da ka jingtynrah shadien ïa la u sum, u la dung ïa u na ka kpoh ba kumta u sum u da pei bla ha ka ingdong jong u. U Asahel u kyllon ïap ha madan, bad uwei pa uwei uba wan poi ha ka jaka ha kaba u kyllon u la sangeh bad ïeng hangta.

2 SAMUEL 20:9

U Joab u ong ha u Amasa, “Phi long kumno, ko paralok jong nga?” bad u bat ïa u Amasa na u 'ñiuhtmoh jong u da la ka kti kamon ban doh ïa u.

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

1 KHRONIKL 12:2

ki dkhot na ka jait Benjamin, kaba dei ka jait jong u Saul. Ki lah ban siat ïa ki khnam bad kawang maw da ka kti kamon ne da ka kti kadiang.

JEREMAÏAH 41:2

Katba ki dang ïabam jingbam lang, u Ishmael bad ki shiphew ngut ki rangbah lem bad u ki la sei ïa la ki waitlam bad ki la pynïap ïa u Gedalaïah.

JINGKHEIÑ 35:20

“Lada phi isih ïano ïano bad phi pynïap ïa u da kaba khynñiat shapoh lane kawang da kaei kaei ïa u,

NONGBISHAR 3:15

Nangta ki Israel ki la kyang jam ha U Trai, bad u la phah ïa uwei u briew ban pyllait ïa ki. Une u dei u Ehud, u briew uba trei da kadiang, u khun jong u Gera na ka jait Benjamin. Ki paid Israel ki phah ïa u Ehud ban leit ai ïa ki jingai sngewbha sha u Eglon u syiem Moab.

NONGBISHAR 3:21

U Ehud pat da la ka kti kadiang u sei ïa ka waitlam na ka liang kamon jong u bad u dung pynngam ïa ka ha ka kpoh jong u syiem.

1 SAMUEL 26:8

U Abishai u ong ha u Dabid, “Ha kane ka miet, U Blei u la aiti ïa u nongshun jong phi ha ka bor jong phi. Mynta shah ngan tynrah tang shisien tynrah da une u sum jong u hi haduh khyndew; ngam donkam ban da tynrah ïa u ar sien!”