2 KHRONIKL 9:10 - Khasi CL Bible (BSI)

¹⁰ (Ki rangbah jong u syiem Hiram bad ki jong u syiem Solomon kiba wan kit ksiar na Ophir, ki wan kit ruh u dieng Kseh-Juniper bad ki mawkordor.

KA BAIBL

¹⁰ Bad ki shakri u Huram ruh, bad ki shakri u Solomon, kiba la wallam ka ksiar na Ophir, ki la wallam ki dieng Algum bad ki mawkordor.

2 KHRONIKL 9:10 Mawu Ofanana

1 SYIEM 10:11

(Ka kynhun lieng jong u Hiram, kaba la wan kit ksiar na Ophir, ka la wan kit ruh nangta shibun ki dieng Kseh-Juniper bad ki mawlynnai.

1 SYIEM 10:22

U don shi kynhun ki liengbah kiba ïaid ha duriaw ryngkat bad ka kynhun lieng u Hiram. Shisien lai snem ki kynhun lieng jong u ki ju wan phai, ki da wan kit ïa ka ksiar, ka rupa, ki bniat hati, ki tngaw, bad ki shrieh.

2 KHRONIKL 2:8

Nga tip haduh katno ka jingtbit jong ki nongot dieng jong phi, kumta to phah ïa nga ki dieng Kedar, ki dieng Kseh-Sypress, bad ki dieng Kseh-Juniper tylli na Lebanon.

2 KHRONIKL 8:18

U syiem Hiram u phah sha u ïa ki liengbah hapoh ka hukum ki rangbah pynïaidkam jong u hi ryngkat bad ba la ñiah da ki maji kiba la mlien bha. Kine ki leit bad ki rangbah pynïaidkam jong u Solomon sha ka ri ki Ophir, bad ki wan kit nangta palat khatsan hajar kilo ka ksiar ïa u syiem Solomon.

2 KHRONIKL 9:11

U Solomon u pyndonkam ïa uta u dieng ha kaba shna ïa ki mawkyrdon ïa ka Templ bad ïa ka ïingsyiem jong u, bad ha kaba shna ïa ki duitara bad jingtem ksai na ka bynta ki nongput nongtem. Ym pat ju don kum kata ha kaba lah ban ïohi mynshuwa ha ka ri Judah.)

2 KHRONIKL 9:9

Ka ai sngewbha ïa u syiem Solomon ki jingai kiba ka la wanrah: palat saw hajar kilo ka ksiar bad shikatdei eh ki musla bad ki mawkordor. Ym pat ju don musla kiba bha kum kita kiba ka syiem jong ka Sheba ka la ai ha u syiem Solomon.

PROBERB 31:14

Ka wanrah jingbam sha la ïing na ki jaka bajngai, kumba ki lieng khaïi ki leh.