2 KHRONIKL 26:7 - Khasi CL Bible (BSI)

⁷ U Blei u ïarap ïa u ban jop ïa ki Philistia, ïa ki Arab kiba shong ha Gurbaal, bad ïa ki Meun.

KA BAIBL

⁷ Te U Blei u la ïarap ïa u pyrshah ïa ki Philistia, bad pyrshah ïa ki Arab kiba shong ha Gur-baal, bad ïa ki nong Meun.

2 KHRONIKL 26:7 Mawu Ofanana

1 KHRONIKL 12:18

U Mynsiem U Blei u wan ha uwei na ki, u Amasai, uba hadien u long u nongai hukum jong ki “Laiphew ngut”, bad u pyrta, “Ko Dabid u khun jong u Jesse, ngi long ki jong phi! Ka Jingjop ka long ïa phi bad ïa kito kiba ïarap ïa phi! U Blei u don ha ka liang jong phi.” U Dabid u pdiang sngewbha ïa ki bad u pynlong ïa ki, ki rangbah pynïaidkam ha ka kynhun shipai jong u.

1 KHRONIKL 4:41

Ha ka por u Hesekaïah u syiem Judah, ki rangbah ba la jer kyrteng haneng ki la leit sha Gerar bad ki la pynjot thiaw ïa ki ïingjaiñ bad ki ïingtrep jong ki briew kiba shong hangta. Ki la beh noh ïa ki briew bad ki la shongduh junom hangta namar ba don kyrhai ka jaka phlang na ka bynta ki langbrot jong ki.

1 KHRONIKL 5:20

Ki la buh ka jingshaniah ha U Blei bad ki la duwai ha u na ka bynta ka jingïarap, bad U Blei u la jubab ïa ki jingduwai jong ki bad u la pynlong ïa ki ban jop halor ki Hagrit bad ki paralok jong ki.

1 KHRONIKL 5:22

Ki la pynïap bun bah ki nongshun, namar ba ka thma ka la long ka mon U Blei. Bad ki la ïaishong ïaisah ha kata ka thain haduh ka jingshah ringmraw.

2 KHRONIKL 14:10

U Asa u leit ban ïaleh ïa u, bad baroh arliang ki ïeng ha la ki jaka ha ka Them Sephathah hajan Mareshah.

2 KHRONIKL 14:11

U Asa u duwai ha U Trai U Blei jong u, “A Trai, me lah ban ïarap ïa ka kynhun shipai kaba tlot da kaba suk kum kaba khlaiñ. Ïarap ïa ngi mynta, Ko Trai U Blei jong ngi, namar ba ngi shaniah ha me, bad ha ka kyrteng jong me ngi la mih ban ïaleh pyrshah ïa kane ka kynhun shipai kaba bun. A Trai, me long U Blei jong ngi; ym don u ban kyrmen ban jop ïa me.”

2 KHRONIKL 17:11

Katto katne ki Philistia ki wallam sha u Jehoshaphat shibun bah ka rupa bad kiwei ki jingai sngewbha, bad katto katne ki Arab ki wallam hynñiew hajar hynñiewspah tylli ki langbrot bad hynñiew hajar hynñiewspah tylli ki blang.

2 KHRONIKL 20:1

Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

2 KHRONIKL 21:16

Katto katne ngut ki Philistia bad ki Arab ki shong ki sah hajan ka jaka ha kaba katto katne ngut ki nong Sudan ki la shongduh harud ka duriaw. U Trai u la pynkhih ïa ki ban leit ïaleh thma pyrshah ïa u Jehoram.

2 KHRONIKL 25:8

Me lah ban pyrkhat ba kin pynlong ïa me uba khlaiñ ha ka thma, hynrei u dei U Blei uba don ka bor ban ai ka jingjop ne ka jingshahjop, bad un shah ïa ki nongshun jong me ban jop ïa me.”

SALM 18:29

Me ai ha nga ka jingkhlaiñ ban tur ïaleh ïa ki nongshun jong nga bad ka bor ban jop ïa ki jingïada jong ki.

ISAÏAH 14:29

Ko ki briew ka Philistia, u dieng uba la tied ïa phi u la kheiñ, hynrei phim don kano kano ka daw ban shadkmen. Haba uwei u bseiñ u ïap, uwei pat uba kham sniew u wan ha ka jaka jong u. Ka pylleng bseiñ ka pynmih ïa u Ïakjakor uba her.

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia: