2 KHRONIKL 19:8 - Khasi CL Bible (BSI)

⁸ Ha Jerusalem, u Jehoshaphat u thung ïa ki Lebi, ki lyngdoh bad katto katne ki riewkhmat ka shnong kum ki nongbishar ha ki kam ba ïadei bad ka jingpynkheiñ ïa ka Hukum U Trai lane ki jingïakajia ba dei ïa ka aiñ hapdeng ki nongshong shnong jong ka nongbah.

KA BAIBL

⁸ Nalor kata, u Jehoshaphat u la thung na ki Lebi bad ki lyngdoh, bad na ki rangbah ki ïing ki kpa ki Israel, ha Jerusalem, na ka bynta ka jingbishar U Trai, bad na ka bynta ka jingïakajia. Te ki la leit phai sha Jerusalem.

2 KHRONIKL 19:8 Mawu Ofanana

1 KHRONIKL 23:4

U syiem u buh arphew saw hajar ngut na ki ban pynïaid ïa ka kam ha ka Templ, hynriew hajar ngut ban buh jingthoh bad ban bishar ïa ki kam ïakajia,

1 KHRONIKL 26:29

Napdeng kiba hiarpateng na u Ishar, ïa u Khenanaïah bad ki khun shynrang jong u la buh ban peit ïa ki kam synshar khadar: Kaba buh jingthoh bad kaba bishar ïa ki paid Israel.

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

2 KHRONIKL 19:9

U ai ha ki ïa kine ki jingbthah: “Phi dei ban pyndep ïa ki kamram jong phi ha ka jingsheptieng burom ïa U Trai, da kaba kohnguh hok ïa u ha kiei kiei ba phi leh.

SALM 122:5

Hangne ki syiem jong ki Israel ki shong ban bishar ïa la ki briew.

ESEKIEL 44:24

Haba ka jingmudui aiñ ka mih, ki lyngdoh kin ai jingrai ïa ka jingmudui kat kum ki aiñ jong nga. Kin pynïaid ïa ki jinglehniam kat kum ki aiñ bad ki jingbuhbeit ryntih jong nga, bad kin rakhe khuid ïa ka Sabbaton.

DEUTERONOMI 21:5

Ki lyngdoh Lebi ruh kin leit lang shata, namar dei ma ki, ki ban rai ïa kawei pa kawei ka jingïania bad ka jingïashoh. U Trai U Blei jong phi u la jied ïa ki ban shakri ïa u bad kyrkhu ha ka kyrteng jong u.

DEUTERONOMI 25:1

“Lada ar ngut ki Israel ki ïakajia, bad ki leit sha ka ïingbishar, ki nongbishar kin rai pynksan ïa uba hok bad pynrem ïa uba leh palat.