2 KHRONIKL 14:8 - Khasi CL Bible (BSI)

⁸ U syiem Asa u don ka kynhun shipai kaba lai lakh ngut ki rangbah na Judah, kiba kieng atiar da ki stieh bad ki sum, bad ar lakh phraphew ngut ki rangbah na Benjamin, kiba kieng atiar da ki stieh bad ki ryntieh. Baroh na ki, ki long kiba shlur, ki rangbah ba la pyntbit bha.

KA BAIBL

⁸ Bad u Asa u la don ki shipai rah stieh rah sum, na ki Judah laispah hajar; bad na ki Benjamin, kiba rah stieh bad kiba siat ryntieh, arspah phraphew hajar: kine baroh ki la long ki riewkhlaiñ bashlur.

2 KHRONIKL 14:8 Mawu Ofanana

1 SYIEM 10:16

U Solomon u shna arspah tylli ki stieh kiba heh bad hynñiew kilo ka ksiar la pyndonkam ha kawei kawei ka stieh.

1 KHRONIKL 8:40

Ki khun shynrang jong u Ulam ki dei ki shipai kiba kham paw bad ki nongsiatkhnam. U don shispah sanphew ngut ki khun ki ksiew baroh. Kito baroh kiba la ai kyrteng haneng ki dei kiba na ka jait Benjamin.

2 KHRONIKL 11:1

Haba u syiem Rehoboam u poi ha Jerusalem, u khot lang ïa ki shi lakh phraphew hajar ngut ki shipai bakynsai tam na ki jait Benjamin bad Judah. U thmu ban ïaleh da ka thma ban pynïoh pat hapoh ka jingsynshar jong u ïa ki jait bashatei jong ka Israel.

2 KHRONIKL 12:2

Ha ka snem kaba san jong ka jingsynshar jong u ïa ka jingbymïaineh jong ki ha U Trai la pynshitom.

2 KHRONIKL 12:3

U Shishak u syiem ka Ijipt u tur ïaleh ïa ka Jerusalem bad ka kynhun shipai kaba shihajar arspah tylli ki kali ïapom, hynriewphew hajar ngut ki shipai shong kulai, bad shibun ki shipai ban ïa kaba lah ban ïa kaba lah ban ñiew, kaba kynthup ïa ki nong Libya, ki Sukki, bad ki kynhun Sudan.

2 KHRONIKL 13:3

U Abijah u pynkhreh ka kynhun shipai kaba don saw lakh ngut, bad u Jeroboam u ïaleh pyrshah ïa u da ka kynhun shipai kaba don phra lakh ngut.

2 KHRONIKL 16:8

Hato ki Sudan bad ki Libya kim don ki kynhun shipai baheh paid ryngkat bad ki kali ïapom bad ki nongshong kulai? Hynrei namar ba me la shaniah ha U Trai, u la ai ka jingjop ïa me halor jong ki.

2 KHRONIKL 20:1

Hadien katto katne por, ki kynhun shipai jong ka Moab bad ka Ammon, ryngkat bad kiba ïateh lok bad ki, ki Meun, ki hiarthma ïa ka Judah.

2 KHRONIKL 25:5

U Syiem Amasaïah u pynbeit ïa baroh ki rangbah jong ki jait Judah bad Benjamin ha ki kynhun shipai, kat kum ki kur jong ki, bad u la buh ki rangbah pynïaidkam ha ka jingai hukum ïa ki kynhun kiba shihajar ngut bad ki kynhun kiba shispah ngut. Kane ka kynthup ïa baroh ki rangbah kiba arphew snem ne kham ïaw, baroh ki long lai lakh ngut. Ki long ki shipai ba la jied, kiba la kloi ban ïaleh thma, kiba tbit ban pyndonkam ïa ki sum bad ki stieh.