2 KHRONIKL 12:14 - Khasi CL Bible (BSI)

¹⁴ U leh ïa kaei kaba sniew, namar ba um shym pyrshang ban wad ïa ka mon U Trai.

KA BAIBL

¹⁴ Bad u la leh ïa kata ka basniew, naba um shym thew la ka dohnud ban wad ïa U Trai.

2 KHRONIKL 12:14 Mawu Ofanana

2 KHRONIKL 19:3

Hynrei la katta ruh, ka dang don katto katne ka jingbha ha phi. Phi la weng baroh ki dur jong ka blei Asherah kaba ki briew ki mane, bad phi la pyrshang ban bud ïa ka mon U Blei.”

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

ISAÏAH 45:19

Ngam shym la kren ha kaba rieh lane buhrieh ïa ka jingthmu jong nga. Ngam shym la dawa na u paid Israel ban khmih ïa nga ha ka jaka ba la iehnoh suda. Nga long U Trai, bad nga kren ïa ka jingshisha; nga pynlong ban tip ïa kaei kaba dei.”

SALM 78:37

Kim shym la shaniah ïa u; kim shym la ïaineh ha ka jutang jong ki bad u.

2 KHRONIKL 30:19

U syiem Hesekaïah u la duwai ïa kane ka jingduwai na ka bynta jong ki: “A U Trai U Blei jong ki kpa tymmen jong ngi, ha ka jingbha ka jong Me, to map ïa kito kiba mane ïa me da la ka dohnud baroh, wat la kim long kiba khuid kat kum ka jinglehniam.”

2 KHRONIKL 11:16

Na ki jait Israel baroh, ki briew kiba kwah da shisha ban mane ïa U Trai, U Blei ki Israel, ki bud ïa ki Lebi sha Jerusalem, khnang ba kin ïoh ai ïa ki jingkñia sha U Trai, U Blei jong ki kpa tymmen jong ki.

MATHAÏOS 7:7

“To pan, bad phin ïohpdiang; to wad, bad phin shem; to tied, bad ïa ka jingkhang yn plie ïa phi.

SALM 78:8

Kin ym long kum ki kpa tymmen jong ki; ki briew kiba ïeng ïaleh pyrshah bad ki bymkohnguh, kiba ka jingshaniah jong ki ha U Blei kam ju long kaba skhem, bad ki bym shym la ïaineh ha u.

SALM 57:7

Nga don ka jingshaniah tylli, A Blei; ngan rwai bad ïaroh ïa me!

1 KHRONIKL 29:18

Ko Trai, U Blei jong u Abraham, u Isaak, bad u Jakob, ki kpa tymmen jong ngi, ki la buh ïa kum kane ka jingmane kaba khlaiñ ha ki dohnud jong ki briew jong me bad ki ïai pynlong ïa ki ban ïaineh ha me.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”

DEUTERONOMI 5:29

A, ba kin da la ïoh ïa kane ka dohnud! Ba kin da la sheptieng burom ïa nga bad kohnguh ïa ki hukum jong nga borabor, ma ki bad ki khun ki ksiew jong ki kin jin da la manbha junom.

1 SYIEM 14:22

Ki paid Judah ki la leh pop pyrshah ïa U Trai bad ki leh palat ban pynkhih bitar ïa U pyrshah ïa ki ban ïa kaba ki kpa tymmen jong ki baroh ki la leh.