2 KHRONIKL 1:1 - Khasi CL Bible (BSI)

¹ U Solomon u khun jong u syiem Dabid u la pynskhem ïa ka jingsynshar ïa ka hima Israel, bad U Trai U Blei jong u, u la kyrkhu ïa u bad pynlong ïa u uba khlaiñbor shikatdei eh.

KA BAIBL

¹ Te la pynkhlaiñ ïa u Solomon u khun u Dabid ha ka Hima jong u, bad U Trai U Blei jong u, U la don ryngkat bad u, bad U la pynkhraw ïa u shikatdei eh.

2 KHRONIKL 1:1 Mawu Ofanana

JENESIS 21:22

Ha kata ka por, u Abimelekh u leit bad u Phikol, u rangbah ai hukum jong ka kynhun shipai jong u, bad u ong ha u Abraham, “U Blei u long ryngkat bad me ha kaei kaei baroh ba me leh.

JENESIS 39:2

U Trai u la don ryngkat lem bad u Joseph bad u la pynmanbha ïa u.

JENESIS 39:21

Hynrei U Trai u don ryngkat lem bad u Joseph bad kyrkhu ïa u, ba kumta u nongap byndi u la sngewbha eh ïa u.

JENESIS 39:3

U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

1 SYIEM 2:12

U Solomon u la kiew khet kum u syiem hadien u Dabid, u kpa jong u, bad ïa ka bor ba kynja syiem jong u la pynskhem bha.

1 SYIEM 2:46

Nangta u syiem u ai hukum ha u Benaïah, uba la mih shabar bad pynïap ïa u Shimei. U Solomon mynta u la ïoh ka jingsynshar kaba pura.

1 KHRONIKL 17:8

Nga la long ryngkat bad me shano shano ba me leit, bad nga la jop ïa baroh ki nongshun jong me katba me ïaid shaphrang. Ngan pynlong ïa me uba pawnam kum ki nongïalam bakhraw tam ka pyrthei.

1 KHRONIKL 22:11

U Dabid u bteng, “Mynta, ko khun jong nga, ai ba U Trai U Blei jong me un long ryngkat bad me, bad ai ba un bat ïa ka kular jong u ban pynlah ïa me ban pyndep ha kaba tei ïa ka Templ na ka bynta jong u.

1 KHRONIKL 22:16

Mynta sdang noh ïa ka kam, bad to U Trai un long ryngkat bad me.”

1 KHRONIKL 29:23

Kumta u Solomon u kiew ïa ka khet u Dabid u kpa jong u ïa kaba U Blei U Trai u la seng. U la long u syiem uba jop, bad ka jaitbynriew Israel baroh ka la kohnguh ïa u.

1 KHRONIKL 29:25

U Trai u la pynlong ïa ka jaitbynriew baroh kawei ban tiengburom ïa u Solomon, bad u la pynlong ïa u uba kham donburom ban ïa uno uno uwei pat u syiem uba la synshar ïa ka Israel.

1 KHRONIKL 29:30

Ki jingthoh ki ïathuh kumno u la synshar, haduh katno u long uba khrawbor, bad ïa kiei kiei baroh kiba la jia ha u, ha ki Israel, bad ha ki hima baroh kiba marjan.

2 KHRONIKL 32:23

Bun ki briew ki la wan sha Jerusalem, da kaba wanrah ïa ki jingainguh sha U Trai bad ki jingai ïa u Hesekaïah, ba nangta sha khmat baroh ki jaitbynriew ki pyndonburom ïa u Hesekaïah.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

JOSHUA 3:7

U Trai u ong ha u Joshua, “Kaei kaba nga leh mynta ka sngi kan pynlong ïa ki paid Israel baroh ban sdang ban burom ïa me kum u riewkhraw, bad kin ïoh tip ba nga long lem ryngkat bad me kumba nga la long bad u Moses.