1 TIMOTHI 6:16 - Khasi CL Bible (BSI)

¹⁶ Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

KA BAIBL

¹⁶ uba tang ma u hi uba don ka jingbymïap, uba shong ha ka jingshai bym lah kot; ïa uba ym don briew uba la ïohi, lane ba lah ban ïohi; ha uba to long ka burom bad ka borbah bymjukut: Amen.

1 TIMOTHI 6:16 Mawu Ofanana

Ka Kitab U Job 37:23

Ka bor U Blei ka long kaba khraw haduh katta katta ba ngim lah ban wan hajan jong u; u long uba hok bad uba beit ha ka jingïadei jong u bad ki briew,

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

EKSODOS 33:20

Hynrei ngan ym shah ba men ïohi ïa ka khmat jong nga, namar uno uno uba ïohi ïa ka un ym im shuh,

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

HABAKKUK 3:4

U wan bad ka jingthaba ka leilieh; ka jingshai ka phalang na ka kti jong u, dei hangta ba ka bor jong u ka rieh.

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 14:9

U Jisu u la jubab, “Naba la slem nga la don bad phi baroh; pynban mem ithuh ïa nga, ko Philip? Uno uno uba la ïohi ïa nga u la ïohi ïa U Kpa. Balei, te, me ong, ‘To pyn-i ha ngi ïa U Kpa?’

ÏOANNIS 6:46

Kane kam mut ba uno uno u la ïohi ïa U Kpa; uta uba na U Blei u long tang ma u uba la ïohi ïa U Kpa.

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

EPHESOS 3:21

ha U Blei to long ka burom ha ka balang bad ha U Khrist Jisu na ka bynta ki por baroh, junom la junom! Amen.

DEUTERONOMI 32:40

Kumba nga long U Blei uba im, nga rah la ka kti bad nga smai,

PHILIPPI 4:20

Ha U Blei bad U Kpa jong ngi, long ka burom junom la junom! Amen.

KOLOSSAI 1:15

U Khrist u long ka dur bapaw jong U Blei u bym lah ban ïohi. U long U Khun ba la kha nyngkong, uba hakhlieh duh jong kiei kiei baroh kiba la thaw.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

HEBRU 13:8

U Jisu Khrist u long ujuh mynhynnin, mynta bad sha ki bymjukut.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

1 ÏOANNIS 1:5

Mynta ka khubor ïa kaba ngi la ïohsngew na U Khun jong u bad pynbna ha phi ka long kane: U Blei u long ka jingshai bad ha u ka jingdum kam don satia.

1 ÏOANNIS 1:7

Hynrei, lada ngi ïaid ha ka jingshai — kumba ma u, u long ha ka jingshai — te ngi don ka jingïasyllok paralok hi, bad ka snam U Jisu, U Khun jong u, ka pynkhuid ïa ngi na ka pop baroh.

1 ÏOANNIS 4:12

Ym don uno uno uba la ïohi ïa U Blei mynno mynno ruh, hynrei, lada ngi ïa-ieit iwei ïa iwei pat, U Blei u im hapoh jong ngi, bad ïa ka jingieit jong u la pynjanai noh ha ngi.

JUDAH 1:25

ha U Blei, uba tang ma u hi U Nongpynim jong ngi, da U Jisu Khrist uba U Trai jong ngi, to long ka burom, ka jingkhraw bor, ka jingkhlaiñ, bad ka jingsynshar, na ki rta ba la leit noh baroh, bad mynta, bad sha ki bymjukut bad bymjukut! Amen.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 4:11

“U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”

JINGPYNPAW 7:12

Te ki la dem ngon ha khmat kata ka khet bad ki la mane ïa U Blei, ki da ong, “Amen! Ka jingïaroh, ka burom, ka jingstad, ka jingainguh, ka jingpyndonburom, ka bor, bad ka jingkhlaiñ ki long jong U Blei jong ngi junom la junom! Amen!”