1 TIMOTHI 6:12 - Khasi CL Bible (BSI)

¹² To men mareh ïa kata ka jingmareh thong jong ka jingngeit, bad ïoh ïa ka jingim bymjukut ïa lade; naba sha kane ka jingim U Blei u la khot ïa me mynba me la phla shai ïa ka jingngeit jong me ha khmat ki sakhi kiba bun.

KA BAIBL

¹² To ïaleh ïa ka jingïaleh babha jong ka jingngeit, to men bat khak ïa ka jingim bymjukut, sha kaba la khot ruh ïa me, bad me la phla ïa kata ka jingphla babha ha khmat bun ki sakhi.

1 TIMOTHI 6:12 Mawu Ofanana

SALM 63:8

Nga snoh ha me, bad ka kti jong me ka sumar ïa nga.

PROBERB 3:18

Kito kiba stad ki suk mynsiem; ka jingstad kan ai ha ki ïa ka jingim.

JINGRWAI SOLOMON 3:4

Tang mar ïakhlad na ki, nga la shem ïa u. Nga la bat ïa u bad ngam shah ïa u ban leit tad ynda nga ïalam ïa u sha ka ïing i mei jong nga, sha ka kamra ha kaba la kha ïa nga.

ISAÏAH 44:5

“Uwei hadien uwei, ki briew kin ong, ‘nga long u jong U TRAI’. Kin ïawan ban ïasnoh bad u paid Israel. Uwei pa uwei un shon ha ka ksang'ti jong u ïa ka kyrteng jong U Trai bad un khot ïa lade uwei na ki briew U Blei.”

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

2 KORINTH 6:7

Ngi don ïa ka hok kum ka atiar jong ngi, ïa ka ban ïaleh bad ban ïada ïa lade ruh.

2 KORINTH 9:13

Bad namar ka jingpynshisha ïa kaba kane ka jingshakri jong phi ka wallam, bun ki ban ai burom ïa U Blei na ka bynta ka jingïaineh jong phi ha ka gospel U Khrist, ïa kaba phi ïaphla, bad ïa ka jinglehsbun jong phi ha kaba ïasam bynta lem bad ki bad uwei pa uwei ruh.

DEUTERONOMI 26:3

Leit sha u lyngdoh uba dei peit kam ha kata ka por, bad ong ha u, ‘Nga pynbna mynta ka sngi ha U Trai U Blei jong nga ba nga la wan rung ha kata ka ri ba u la kular ha ki kpa tymmen jong ngi ban ai ha ngi.’

PHILIPPI 1:30

Mynta phi lah ban ïashim bynta lem bad nga ha ka thma. Ka dei kajuh ka thma kaba phi la ïohi ïa nga ba nga la ïaleh ha ki por kiba mynshuwa, bad kumba phi ïohsngew, ïa kata kaba nga dang ïaleh haduh mynta.

KOLOSSAI 3:15

Ka jingsuk kaba U Khrist u ai, ka long ban kdew lynti ïa phi ha ki rai kiba phi shim; naba dei ïa kane ka jingsuk ba U Blei u la khot lang ïa phi ha kawei ka met. Bad to long kiba sngewnguh.

1 THESSALONI 2:12

Ngi la pynshlur ïa phi, ngi la pyntngen ïa phi, bad ngi ïai kyrpad ïa phi ban im ka jingim kaba pynsngewbha ïa U Blei, uba khot ïa phi ban ïa-ïoh bynta lem ha ka Hima bad ka burom jong u hi.

2 THESSALONI 2:14

U Blei u la khot ïa phi sha kane lyngba ka Khubor Babha kaba ngi la ïalap ha phi; u la khot ïa phi ban ïohkynti ïa la ka bynta jong ka burom jong U Jisu Khrist U Trai jong ngi.

1 TIMOTHI 1:18

Ko Timothi, u khun jong nga, nga pynkhamti ha me ïa kane ka hukum, kaba katba kum ki ktien jong ka jingïathuhlypa ba la kren shaphang jong me ha ka por kaba la leit.

1 TIMOTHI 1:19

To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

1 TIMOTHI 6:13

Ha khmat U Blei, uba ai jingim ïa kiei kiei baroh, bad ha khmat U Khrist Jisu, uba phla shai ïa la ka jingngeit ha khmat u Pontios Pilat, nga hukum ïa me ba men kohnguh ïa la ki hukum bad ban sumar hok ïa ki haduh kata ka Sngi haba U Jisu Khrist uba U Trai jong ngi un paw.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

2 TIMOTHI 1:9

U la pynim ïa ngi bad u la khot ïa ngi ban long ki briew jong u hi, ym namar ïa kaei kaba ngi la leh, hynrei namar ka jingthmu jong u hi bad ka jingaiei.

2 TIMOTHI 2:2

Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

2 TIMOTHI 4:7

Nga la ïaleh tyngeh ïa ka jingïamareh, nga la pyndep ïa ka jingïaphet, nga la ri ïa ka jingngeit.

HEBRU 13:23

Nga kwah ïa phi ban tip ba ïa u para jong ngi, u Timothi la pyllait na ka ïingbyndi. Lada u wan kloi, ngan wan ryngkat bad u haba nga wan jngoh ïa phi.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

JUDAH 1:3

Ko ki paralok ba-ieit jong nga, nga la leh ïa kaba bha tam ban thoh sha phi shaphang ka jingpynim kaba ngi ïoh lang, haba nga la shem ïa ka jingdonkam ban thoh shisyndon ban pynshlur ïa phi, ban ïaleh na ka bynta ka jingngeit kaba U Blei u la ai shisien ai ha ki briew jong u.

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.

NONGBISHAR 3:2

U la leh ïa kane khnang ban hikai ïa kawei pa kawei ka pateng jong ki Israel shaphang ka thma, khamtam ïa kito ki bym pat ju mad ïa ka thma mynshuwa.