1 TIMOTHI 4:15 - Khasi CL Bible (BSI)

¹⁵ To leh minot ha kine kiei kiei bad to aiti ïa lade ha ki, ba baroh kin ïohi ïa ka jingroi jong me.

KA BAIBL

¹⁵ To minot eh ha kine kiei kiei; to aiti lut ïa lade ha ki; ba kata ka jingroi jong me kan ïohpaw ha baroh.

1 TIMOTHI 4:15 Mawu Ofanana

SALM 1:2

Pynban, ki shem jingkmen ha kaba kohnguh ïa ka Hukum jong U Trai

SALM 104:34

To un kmen ïa ka jingrwai jong nga, namar ka jingkmen jong nga ka wan na u.

SALM 105:5

Ma phi ki khun ki ksiew jong u Abraham, u shakri jong u; ma phi ki khun ki ksiew u Jakob, u briew uba u la jied: Kynmaw ïa ki kambah ba U Blei u la leh bad ki jingbishar kiba u la ai.

SALM 119:148

Baroh shi miet nga shong peitmat, ban puson ïa ki jingbthah jong me.

SALM 119:15

Nga pule bniah ïa ki jingbthah jong me, nga bishar bniah ïa ki jinghikai jong me.

SALM 119:23

Ki nongsynshar ki ïakynduh lang bad ki ïasylla pyrshah ïa nga, hynrei ngan pule bniah ïa ki jinghikai jong me.

SALM 119:48

Nga burom bad nga ieit ïa ki hukum jong me; ngan puson ïa ki jingbthah jong me.

SALM 119:97

A katno nga ieit ïa ka aiñ jong me! Nga pyrkhat ïa ka baroh shi sngi.

SALM 119:99

Nga shemphang kham palat ban ïa ki nonghikai jong nga baroh, namar nga puson ïa ki jingbthah jong me.

SALM 143:5

Nga kynmaw ïa ki sngi ba la leit noh; nga pyrkhat ïa kata baroh kaba me la leh, nga kynmaw ïa baroh ki jingleh jong me.

SALM 19:14

To ai ba ki kyntien jong nga bad ki jingpyrkhat jong nga kin long kiba la pdiang hun ha me, A Trai, me long ka jakarieh jong nga bad u nongsiewspah jong nga!

SALM 49:3

Ki jingmut jong nga kin sa shai; ngan kren ïa ki ktien jong ka jingstad.

SALM 63:6

Haba nga thiah ha ka jingthiah, nga kynmaw ïa me; baroh shi miet nga pyrkhat ïa me,

SALM 77:12

Ngan pyrkhat shaphang kata baroh kaba me la leh; bad ngan puson halor ki kam badonbor baroh jong me.

JINGKHEIÑ 8:26

Hadien kata, u lah ban shu ïarap ïa la ki para Lebi haba ki pyndep la ki kamram ha ka Ïingjaiñ, hynrei u um bit ban leh da lade hi ïa kano kano ka kam. Da kumne men pynbeit ryntih ïa ki kamram jong ki Lebi.”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

KI KAM 6:4

Ma ngi hi, te, ngin ai ïa ka por jong ngi baroh ha ka jingduwai bad ha ka kam ka jingïalap.”

1 KORINTH 16:15

Phi tip shaphang u Stephanas bad ka longïing jong u; ki long ki Khristan kiba nyngkong eh ha Akhaïa bad ki la aiti ïa lade ïa ka ban shakri ïa ki briew jong U Blei.

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

2 KORINTH 8:5

Ka la long palat ban ïa kaba ngi la khmih lynti! Nyngkong ki la aiti ïa lade ha U Trai; bad nangta, da ka mon U Blei ki la aiti ïa lade ha ngi ruh.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

1 TIMOTHI 4:16

To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

JOSHUA 1:8

Pynthikna ba ïa kane ka kitab ka Hukum dei ban pule borabor ha ka jingmane jong me. Puson ïa ka mynsngi bad mynmiet, bad pynthikna ba men kohnguh ïa kaei kaei baroh ba la thoh ha ka. Te men sa manbha bad long uba jop.