1 TIMOTHI 1:19 - Khasi CL Bible (BSI)

¹⁹ To pyndonkam ïa kito ki ktien kum ki jingkieng atiar khnang ba me lah ban ïaleh shlur, bad sumar ïa la ka jingngeit bad ïa ka jingïatiplem bakhuid. Don ki briew ki bymshahskhor ïa la ka jingïatiplem bad ki la pyntroiñ ïa la ka jingngeit.

KA BAIBL

¹⁹ da kaba bat ïa ka jingngeit bad ïa ka jingïatiplem babha; ïa kaba don kiba haba ki la bred noh ïa ka, ki la paitlieng shaphang kata ka jingngeit:

1 TIMOTHI 1:19 Mawu Ofanana

MATHAÏOS 6:27

Hato uno uno na phi u lah ban im kham slem da kaba u khuslai shaphang jong ka?

1 KORINTH 11:19

(Khlem artatien ka don ka jingïapait hapdeng jong phi khnang ba yn ithuh shai ïa kita kiba leh ïa kaba dei.)

GALATIA 5:4

Kito na phi kiba pyrshang ban pynksan ha khmat U Blei da kaba kohnguh ïa ka Hukum, phi la dkhat noh ïa lade na U Khrist. Phi long shabar ka jingaiei U Blei.

1 TIMOTHI 1:5

Ka jingthmu jong kane ka hukum ka long ban pynkhih ïa kata ka jingieit kaba wan na ka dohnud kaba sngur, ka jingïatiplem bakhuid, bad ka jingngeit bashisha.

1 TIMOTHI 6:12

To men mareh ïa kata ka jingmareh thong jong ka jingngeit, bad ïoh ïa ka jingim bymjukut ïa lade; naba sha kane ka jingim U Blei u la khot ïa me mynba me la phla shai ïa ka jingngeit jong me ha khmat ki sakhi kiba bun.

1 TIMOTHI 6:21

Don kiba kam ba ki don ïa ka, bad kaba mih ka long ba ki jah noh na ka lynti jong ka jingngeit. Ka jingaiei jong U Blei to kan long bad phi baroh.

1 TIMOTHI 6:9

Hynrei kito kiba kwah ban riewspah ki hap ha ka jingpynshoi bad ki ngat ha ka jingriam jong ki jingkwah ba-bieit bad ki jingkwah ba-pynmynsaw, kiba tan ïa ki sha ka jingjot bad ka jingpynjot.

2 TIMOTHI 2:18

Ki la iehnoh ïa ka lynti ka jingshisha bad pynkylla khongpong ïa ka jingngeit jong ki katto katne ki bangeit da kaba ong ba ka jingpynmihpat ïa ngi ka la dep jia.

2 TIMOTHI 4:4

Kin phai noh na kaba shahshkor ïa ka jingshisha bad kin pynleit jingmut ha ki puriskam kai.

TITOS 1:9

U dei ban long uba batskhem ïa ka khubor kaba lah ban shaniah bad kaba ïadei bad ka jinghikai shongtynrai. Ha kane ka rukom un lah ban ai mynsiem ïa kiwei da ka jinghikai bashisha bad ban pyn-i ruh ïa ka jingbakla jong kito kiba ïeng pyrshah ïa ka.

HEBRU 3:14

Naba ngi long baroh ki nongïoh bynta bad U Khrist lada ngi batskhem haduh kaba kut ïa kata ka jingsngewskhem kaba ngi la don naduh kaba sdang.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.

JINGPYNPAW 3:3

Kynmaw te, ïa kaei kaba la hikai ïa pha bad ïa kaei kaba pha la ïohsngew; kohnguh ïa kata bad phai noh na ki pop jong pha. Lada pham kyndit bynriew noh, ngan wan ha pha kum u nongtuh, bad phan ym lah wat ban tip ïa ka por lano ngan wan.

JINGPYNPAW 3:8

Nga tip ïa kaei kaba pha leh; nga tip ba pha don khyndiat ka bor; pha la bud ïa ka jinghikai jong nga bad pha la ïaineh ha nga. Nga la plie ïa ka jingkhang ha khmat jong pha, kaba ym don ba lah ban khang.