1 SAMUEL 13:6 - Khasi CL Bible (BSI)

⁶ Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;

KA BAIBL

⁶ Haba ki rangbah Israel ki la ïohi ba ki la hap ha kaba khim, (naba u paidbah u la pisa eh,) hangta ki paidbah ki la buhrieh ïa lade ha ki krem, bad ha ki bniap, bad ha ki mawsiang, bad ha ki kut bajrong, bad ha ki thliew um.

1 SAMUEL 13:6 Mawu Ofanana

2 SAMUEL 24:14

U Dabid u jubab, “Nga don ha ka khim khait! Hynrei ngam kwah ba ngan shah pynshitom ha ki briew. Ai ba U Trai da lade hi un dei uta u ban pynshitom ïa ngi, namar u long uba dap da ka jingisynei.”

ISAÏAH 42:22

Hynrei mynta ïa ki briew jong u la shah lute; ki la shah set ha ki krem byndi bad shah buhrieh ha ki ïingbyndi. Ki la shah lute bad shah pynjot. Khlem uno uno uba wan ban pyllait im ïa ki.

JEREMAÏAH 41:9

Ka pukri ha kaba u Ishmael u la bret ïa ki metïap jong kita ki rangbah kiba u la pynïap ka long kaba heh bha kaba u syiem Asa u la tih mynba u la shah tur ïaleh ha u Baasha, u syiem ka Israel. U Ishmael u la pyndap ïa kata ka pukri da ki metïap.

ESEKIEL 33:27

“Ïathuh ha ki ba ma nga, U Trai Nongsynshar, nga maham ïa ki ba da shisha nga long U Blei uba im, ki briew kiba shong basah ha ki nongbah ba la pynjot kin shah pynïap. Kito kiba shong ha ka ri kin shah bam da ki mradkhlaw. Kito kiba rieh ha ki lumbah bad ki krem kin ïap da ka jingpang.

PHILIPPI 1:23

Ïa nga la tan ha ki ar bynta. Nga da kwah eh ban iehnoh ïa kane ka jingim bad ban don bad U Khrist, kaba long kaei kaei kaba kham bha;

HEBRU 11:38

Ka pyrthei kam shym long kaba bha na ka bynta jong ki! Kum ki nongphetwir ki shang kylleng ha ki ri shyiap bad sha ki lum, ki da shong ha ki krem bad ha ki thliew kiba don ha ka khyndew.

JOSHUA 8:20

Haba ki rangbah jong ka Ai ki phai shadien, ki ïohi ïa ka tdem kaba kiew sha suiñbneng. Ym don lad shuh ba kin lait im, naba ki Israel kiba la phet sha ka jaka bashrah mynta ki phai kylla ban ïaleh ïa ki.

NONGBISHAR 10:9

Ki Ammon ki da jam sha shiliang ka Jordan ban ïaleh ïa ki jait Judah, Benjamin, bad Ephraim. Ki Israel ki la don ha ka jingkhuslai bakhraw.

NONGBISHAR 20:41

Nangta ki Israel ki phai kylla, bad ki Benjamin ki la kulmar hi thlim namar ki sngewthuh ba kin sa shah pynjot.

NONGBISHAR 6:2

Ki Midian ki long kiba kham khlaiñ ban ïa ki Israel, bad ki paid Israel ki rieh ïa lade na ki ha ki krem bad ha kiwei pat ki jaka bashngain ha ki lumrit.

1 SAMUEL 13:15

U Samuel u mihnoh na Gilgal bad u leit la ka lynti. Kiba sah na ki briew ki la bud ïa u Saul katba u dang leit ban ïasoh bad la ki shipai. Ki leit na Gilgal sha Gibeah ha ka thain Benjamin. U Saul u leit peit ïa la ka kynhun shipai, kiba don kumba hynriewspah ngut.

1 SAMUEL 14:11

Kumta ki shah ïa ki Philistia ban ïohi ïa ki, bad ki Philistia ki ong, “Ha khmih! katto katne ki Hebru ki wan mih na ki thliew ha kiba ki rieh!”

1 SAMUEL 14:22

Kiwei pat, kiba dang rieh ha ki lum Ephraim, ki la ïohsngew ba ki Philistia ki la phet krad; kumta ki ruh ki la wan ïasoh bad ki la tur ïaleh ïa ki Philistia,

1 SAMUEL 23:19

Katto katne ngut ki briew na Siph ki la leit sha u Saul ha Gibeah bad ki ong, “U Dabid u rieh ha ka ri jong ngi ha Horesh halor u Lum Hakhilah, ha ka phang bashathie jong ka ri khlaw Judia.

1 SAMUEL 24:3

U wan poi ha ka krem hajan ki katto katne ki jaka set blang kiba harud lynti, bad u rung shapoh ban leit shabar. Ka jia ryngkhat ba ka dei kajuh ka krem ha kaba u Dabid bad ki rangbah jong u ki rieh kham shapoh jong kata ka krem.

1 SAMUEL 31:7

Haba ki Israel kiba ha shiliang kata ka them Jesreel bad kiba sha mihngi ka wah Jordan ki ïohsngew ba ka kynhun shipai ki Israel ka la phet ïap bad u Saul bad ki khun shynrang jong u ki la kyllon ïap, ki ruh ki iehnoh noh ïa la ki shnong bad ki phet ïap. Nangta ki Philistia ki wan bad ki shong shnong hangta.

1 SAMUEL 7:7

Haba ki Philistia ki ïohsngew ba ki Israel ki la ïalumlang ha Mispah, kita ki san ngut ki syiem Philistia ki leit kiew bad la ki briew ban tur ïaleh ïa ki, bad ki Israel ki la ïohsngew ïa kata bad ki la sheptieng,