Mateo 8:32 - Bëngbe Bëtsa Cabëngaftaca Entsoyebuambna

³² Y Jesús tojanë́yana: —Motsajna ca. Chora chë bayëjënga chë boyabásatbents̈ana tmojésanbocana y chë cots̈ë́ngbeñe tmojánamashjna; cachora chë cots̈ënga batsjocana penës̈ëjana uafjajónayoye imojtsoshbuets̈e y yojtsatajo.

Mateo 8:32 Mawu Ofanana

Mateo 8:31

Y chë bayëjënga Jesús tmojanimpadá: —Muents̈ana jésebocanama aca tcojamëse, cochjama bënga chë cots̈ë́ngbeñe fchayamashjnama ca.

Mateo 8:33

Chora chë cots̈ënga anÿenënga tmojtsanacheta, y chë puebloye tmojánashjajna ora, tmojanonts̈é lempe nts̈amo yojochnëngcá jacuéntana y nts̈amo chë bayëjbe juabna uambayátaftaca tojanopasámnaca.

Marcos 5:13

Y Jesús aíñe tojanalesenciá; as chë bacna bayëjënga chë ents̈ábents̈ana tmojésanbocana y chë cots̈ë́ngbeñe tmojánamashjna. Cachora chë mo uta uaranga cots̈ënga batsjocana peñës̈ëjana uafjajónayoye imojtsoshbuets̈e y yojtsatajo.

Lucas 8:33

As chë bayëjënga chë ents̈ábents̈ana tmojésanbocana y chë cots̈ë́ngbeñe tmojánamashjna; y chents̈ana, chë cots̈ënga batsjocana peñës̈ëjana uafjajónayoye imojtsoshbuets̈e y yojtsatajo.

Hechos 2:23

Ndegombre ts̈ëngaftangbe cucuats̈iñe Jesús tmonjánboshjona, pero cabá ndë́boshjona ora, Bëngbe Bëtsá tojanjuabó nts̈amo jopásana yojamnama; y nts̈amo ts̈ëngaftanga cháftaca s̈mochjanmámnaca cha inatáts̈ëmbo. Ts̈ëngaftangna Jesús s̈monjanishache y s̈monjanma cha chamóbama y chamocrucificama, bacna ents̈angbe cucuats̈iñe.

Hechos 4:28

Tempo, Bëngbe Bëtsá, acbe obenánaca y nts̈amo icnabos̈cá tcojanmandá nts̈amo mora chaotsemnama, y chënga chca Jesúseftaca tmonjama.

Apocalipsis 20:7

Chë uaranga uata chaojochnëngo ora, Satanás chabe utámenocana mochanjë́tsboshjona;