Juan 9:10 - Bëngbe Bëtsa Cabëngaftaca Entsoyebuambna

¹⁰ As chë ents̈anga tmojantjá: —¿Nts̈amo chca mora cmojtsabinÿna ca?

Juan 9:10 Mawu Ofanana

Marcos 4:27

masque cha cada ibeta jtsojájuana y bnëté jotsbanama, ibeta o bnëté, chë jénayents̈ana juabocnana y juájuana, nts̈amo chca yojtsájuajnama chë boyabása ntjatstats̈ëmbcá.

Juan 3:9

Chora Nicodemo tbojantjá: —¿Nts̈amo chca nántsemna ca?

Juan 6:1

Chë soyënga tojanopasá chents̈ana, Jesús chabe uatsjéndayëngaftaca tojána Galilea uafjajónaye chenguana. Chë uafjajónayna Tiberias cánaca inauabaina.

Juan 9:11

Y cha tojanë́jua: —Chë boyabása, Jesús ca uabainá, ngüiche yebuáyeca tonjábema, s̈onjabuchanëtjo y s̈onjauyana: “Motsa y Siloé uafjajónayiñe metsobúchjabebiye ca”. Chcasna, ats̈e sënjá, sënjetsobúchjabebiye y cachora s̈ontsabinÿna ca.

Juan 9:15

As chë fariseunga chë boyabása tmojantjá: —¿Nts̈ámoyeca mora cmojtsabinÿna ca? Chora cha tojanë́jua: —Cha ngüiche yebuáyeca tonjábema y s̈onjabuchanëtjo. Sënjetsobúchjabebiye, y cachora s̈onjuabinÿna ca.

Juan 9:21

Pero ndoñe queftsátstats̈ëmbo nts̈ámoyeca mora chca ibojtsabinÿnama, ni bëndatbe uaquiñá chabotsabinÿnama nda tojamama cach ndoñe. Cachá motjanga. Ya bëtsá entsemna, y cachá entsobena ts̈ëngaftanga razón jats̈atayama ca —chata tbojánayana.

Juan 9:26

Chora chënga cachiñe tmojatantjá: —¿Nts̈amo tcmënjama? ¿Nts̈amo cha tënjama chacmotsabinÿnama ca?

Juan 9:9

Inÿenga imojtsichamo: —Cha entsemna ca. Y ínÿengna: —Cha ndoñe quenátsmëna, pero chacá entsábona ca. Y cach shnaná yojtsichamo: —Ats̈e cha sëndmëna ca.

1 Corintios 15:35

Pero nderado nda nanjatjaye: “¿Nts̈amo chë obanënga mochtayena ca? ¿Mocna cuerpo mochtsebomna ca?”