Juan 5:15 - Bëngbe Bëtsa Cabëngaftaca Entsoyebuambna

¹⁵ Chë boyabása tojtsanoñe y chë judiënga tojanë́yana: —Chë s̈onjashná cha Jesús entsemna ca.

Juan 5:15 Mawu Ofanana

Marcos 1:45

Pero chë boyabásana, chents̈ana tojë́ftsanbocna y cachora yojónts̈a nÿetsquénache ents̈anga yapa acúntayana Jesús tbojanshnama. Chë causa, Jesús ndoñe yontsobena ents̈angbe delante pueblënguenache jtsanana, ndayá nÿe chë pueblënga béconana y nÿetsca chë ents̈anga ndoyena luarënguiñe yojánana; pero nÿets luarëngocana chábioye ents̈anga imojánashjajuana.

Juan 1:19

Canÿe te, Jerusalenoca judiënga tmojanichamó básefta chëngbe bachnanga y levitënga, chë Bëngbe Bëtsabe bëts yebnoca trabájayënga, Juan yojtsemnoye, cha nda bétsemnama chamuatjayama.

Juan 4:29

“Mabënga canÿe boyabása jinÿama ca. Cha ats̈e s̈onjauyana lempe nts̈amo tijamcá. ¿Chë boyabása, chë Cristo tanántsemna ca?” —cha yojtsichamo.

Juan 5:10

Chíyeca, chë tbojanshnábioye chë judiënga tmojaniyana: —Mëntena ochnayté. Mënté ndoñe quenátopodena aca tjuashe jtsecutsnana ca.

Juan 5:12

As chënga tmojantjá: —¿Nda yojtsemna chë “acbe tjuashe mesocñe y monts̈é jóyenana ca” tcmojauyaná ca?

Juan 5:16

Chë causa, chë judiënga imojtsenguaye nts̈amo Jesús ndayánaca jabórlana, cha ochnayté chë soyënga tojanmama.

Juan 5:18

Jesús tojanma nts̈amo ochnayté ndoñe yonjanapodencá, y Bëngbe Bëtsabiama tojánayana “Ats̈be Taitá ca”. Mënts̈á Jesús yojtsanobiamná cach Bëngbe Bëtsacá. Chama, chë judiënga más imojtsebos̈e Jesús jóbama.

Juan 9:15

As chë fariseunga chë boyabása tmojantjá: —¿Nts̈ámoyeca mora cmojtsabinÿna ca? Chora cha tojanë́jua: —Cha ngüiche yebuáyeca tonjábema y s̈onjabuchanëtjo. Sënjetsobúchjabebiye, y cachora s̈onjuabinÿna ca.

Juan 9:25

Chora cha tojanë́jua: —Cha canÿe bacna soyënga amá o ndoñe tondmënama, ats̈e ndoñe quetsátstats̈ëmbo. Ats̈e nÿe mënts̈á së́ntsetats̈ëmbo: Ats̈e jtaná sënjanmëna, pero mora s̈ontsabinÿna ca.

Juan 9:30

Chora chë boyabása tojanë́jua: —¡Nts̈amo chca nántsemna! Ts̈ëngaftanga ndoñe s̈montsetáts̈ëmbo ndë́mocana cha tojabama; pero chas̈uabinÿnama cha tonjama.

Juan 9:34

As chë fariseunga tmojaniyana: —¡Ndayá! Aca tcojanonÿná orscana, corente bacna soyënga amá tcomnëse, ¿nts̈amo mora bënga s̈cochjátabuatambaye ca? Y chora chë judiëngbe enefjuana yebnents̈ana cha tmojtanábocna.