Efesios 2:9 - Bëngbe Bëtsa Cabëngaftaca Entsoyebuambna

⁹ Atsebácanënga s̈mondmëna, ndoñe cach ts̈ëngaftanga ndayá s̈mojánmayeca; chíyeca ndocná quenátobena jtsenábotamnayana atsbocaná yojtsemnama.

Efesios 2:9 Mawu Ofanana

Romanos 11:6

Bëngbe Bëtsá ents̈anga jabacacayana chëngbiama ts̈abe juabna bómnayeca; y ndoñe chca ntjamana ndayá ents̈anga tmojamama. Er ndayá tmojamama Bëngbe Bëtsá ents̈anga tojábacacase, cha nanjínÿanÿiye cha chca inétsama, ndoñe nÿe chëngbiama ts̈abe juabna bómnayeca.

Romanos 3:20

Er, Bëngbe Bëtsá ndoñe queochatsma ndocná chabe bominÿiñe ts̈abia chaotsemna, nts̈amo leyiñe yomandancá cha tojamama; chë ley bëngbiama jamana, nÿe bënga bacna soye tmojamama chamotsetats̈ëmbuama.

Romanos 4:2

Abraham chabe bominÿiñe ts̈abia chaotsemnama, ndayá cha tojanmama Bëngbe Bëtsá matënjanmëse, cha matënjanobená ents̈ángbeñe ndayama jtsenábotamnayana, pero Bëngbe Bëtsabe delante ndoñe;

Romanos 9:11

Bëngbe Bëtsá, Rebécbioye tbojaniyana: “Acbe mayor uaquiñá, acbe ngomënche uaquiñábioye bochanjasérvia ca.” Cha chca tojánayana jinÿinÿiyama chë básatbents̈ana canÿa cha tbojánbocacama, Jacob, y ndoñe chë inÿe basa, Esaú, chca jamama tempo cha tojanjuabóyeca. Rebécbioye chca tbojaniyana chë básata cabá ndonÿna ora, y ni canÿe basa cabá ndocna soye ndama ora. Y chca, nts̈amo tojanopasacana, tojanopasá chë básatbents̈ana canÿa y ndoñe chë inÿa chca chaotsemnama Bëngbe Bëtsá tbojanábuayanayeca, y ndoñe ndayá chata tbojanmama.

Romanos 9:16

Y chca, Bëngbe Bëtsá canÿe ents̈á jabocacayana, ndoñe ndayá chë ents̈á tojtsebos̈ama o tojamama, ndayá Bëngbe Bëtsá tbojalastemama.

2 Timoteo 1:9

Bëngbe Bëtsá endmëna nda bënga s̈ojatsebacá, y s̈ojáchembo jtsiyenama mo chábenga imomnëngcá jtsamëse. Y cha chca tojama, ndoñe nderado bënga ndaye ts̈abe soye tmojamama, ndayá cachá chca chaotsemnama inabós̈eyeca y bëngbe ts̈abiama juabna bómnayeca. Cha chca inajuabnaye, cabá quem luare ndmëna orscana; y chca jamama Bëngbe Bëtsá inajuabnaye, chë ndayá Cristo Jesús bëngbiama jamama sóyeca.