1 Corintios 6:6 - Bëngbe Bëtsa Cabëngaftaca Entsoyebuambna

⁶ Pero ndoñe chca: os̈buachiyë́ngbeñe demandënga tojtsemna ora, mandadë́ngbioye jana chë soyënga chamojandmanama. Y chca jamana ndos̈buáchiyënga mandadë́ngaftaca.

1 Corintios 6:6 Mawu Ofanana

Hechos 7:26

Yëfsana, Moisés tojánanÿena útata, cach Israelocata, ibojtsentsjanaye; chora cha betsco tojána jetsë́uyanama y tojanë́yana: ‘Tsëndata cats̈ata s̈ondmëna, ¿ndáyeca s̈ojtsentsjanata ca?’

1 Corintios 6:1

Canÿe ts̈ëngaftanguents̈a os̈buachiyá inÿe os̈buachiyabiama canÿe demanda tojtsebomna ora, ¿cha nanjá chë ndos̈buáchiyënga mandadë́ngbioye chë soye chamojandmanama? ¿Ndáyeca chca nanjama, y ndoñe chë Bëngbe Bëtsabe ents̈ángbioye nanjá chabe demanda chamouenama?

1 Corintios 6:7

Y ts̈ëngaftangbeñe nÿe demandënga jájandmanama tojtsemna ora, ts̈ëngaftangbiama ya canÿe puerte bacna soye jtsemnana. ¿Ndáyeca ndoñe s̈mattsóboyaye ínÿenga bacá cmojtsaborlana ora? ¿Ndáyeca ndoñe cachcá s̈matjonÿaye ínÿenga cmojtsabiatbëbana ora?

2 Corintios 6:14

Crístbeñe ndos̈buáchiyëngaftaca ndoñe s̈matjenutaná ndayánaca jamama, er chca, chë́ngaftaca s̈matjábocana mo chë jaárama uacnata ndoñe cachë́nchechata tbontsemncá. Ndegombre, chë ts̈abe soyënga amá y Bëngbe Bëtsabe bominÿiñe ts̈abia mëná, nÿa tondayama cachcá ntsejuabnayana, chë Bëngbe Bëtsá tojamandacá ndoñe tontsamacá y bacna soyënga amacá. Ndegombre, chë ents̈angbe juabna binÿnayáftaca vida bomná, nÿa tondaye ntsebomnana chë nÿe mo ibetiñcá juabnayáftaca.

2 Corintios 6:15

Cristo y Satanás, Belial cánaca uabainá, ndocna te tondayama cachcá ntsejuabnayana; y cachcá copasana, Crístbeñe os̈buachiyá y chábeñe ndos̈buachiyáftaca.

1 Timoteo 5:8

Er, nda cachabe ents̈anga y más, cachabe pamíllanga ndoñe tontsacuedana, cha chca jtsinÿinÿnayana chë buatëmbana soyënga, ndayiñe bënga mondos̈buaché, ndegombre soyënga ndoñe yondmëna ca yojtsejuabnama, y cha chë ndoñe os̈buáchiyëngbiama más bacna ents̈á jtsemnana.