Лука 19:8 - Анкълова Лука

⁸ Вагьлиъис аьгъиъна Закайли Кьодда̄ла Исахъа нисос: – Йа̄ БетӀерчӀахъаяв! Гьуна диела бечелъилас йалӀлӀокос бутӀа до мискин-пакъирла̄л садакъалал нилӀал, йаги, лъо̄лди до зарал богьна зогъда, гьолцолна оьᵸкъовахна йоцӀйухъинна нилӀал.

Лука 19:8 Mawu Ofanana

Акълова 6:31

Амма гигьликьа иᵸхъона муьгъатта̄, алӀовахна йуьᵸкъонна йоцӀал нуцӀос гьолцо, билӀоъ гаьгьийо-гаьччона нилӀал нуцӀос.

Лука 11:41

Мизоъ эᵸдо гаьгьийо жо миже нилӀцакъода̄ садакъацой, мизос къацӀцӀо жо йаᵸцас га̄ь.

Лука 12:33

Мизосзу боцӀи-ризкъина мисона садакъа̄ йовагьа. Йа̄ьхаъчаш-йоьᵸшойбацӀаъцас боьъована йовагьа, гьаᵸсаъ гаьгьийо бугъаъцас, къокъаъцас хазинана бокӀола. Гьоло хазина гьаᵸсаъ йа гигьлагийа муцаъас, йа сидала муьхъаъаш.

Лука 16:9

Вагьалълъобза До мизохъа нисос: дунияллила боцӀи-ризкъилас пайда бокча гьалмагълъи бовагьна. Дунияллила билӀоъ гаьгьийа бечедлъилаъас маьгьрум бовагьна муьгъатта̄, абадиябли билӀоъ гьалмагъла̄ къабул бовагьца вагьла̄ муьхо-махеда.

Лука 19:7

Халкъилал вагьли тухълъо, мунагьла̄д оцӀийа сукӀодой гьоболлъилаъ эᵸкьешлӀо нисона Исакьа мордаба̄л муьхобалъийо.

Лука 7:13

Гьоло йегалъ, гьолълъокьа йакӀона йугъона, Кьодда̄ла Иса нисойо: – Йийа̄къа! – лӀо.

Лука 7:19

Къона асгьабна илӀена, Ягья гьолло̄л ме̄ш Кьодда̄ла Исадой, оᵸкъал нуцӀойо мид гей йаги бацохъад гувабацӀона иле бецал нуцӀослӀо нисолал.