Лука 11:41 - Анкълова Лука

⁴¹ Мизоъ эᵸдо гаьгьийо жо миже нилӀцакъода̄ садакъацой, мизос къацӀцӀо жо йаᵸцас га̄ь.

Лука 11:41 Mawu Ofanana

Акълова 14:31

Мискилла̄л зулмо богьцала̄ гьолло̄л ба̄хъилло Аллагь какзи о̄с, пакъирла̄кьа йакӀо йугъоцала̄ Гьолцос ца̄ᵸ кьодда̄кӀца.

Акълова 16:6

Гургьел-рагьмолана божилъилана мунагьла чурзи йовагьца, БетӀергьаллихъа гьичӀейолъила кешлъи муьгъатта̄ тӀуцца.

Акълова 19:17

Мискиллил нилӀийо садакъа йахъца БетӀергьаллил нагьлъилаъ нилӀийо окко, йо̄йо кӀетӀослъи Гьолцо йоцӀечӀе йечаннейаъас.

Лука 12:33

Мизосзу боцӀи-ризкъина мисона садакъа̄ йовагьа. Йа̄ьхаъчаш-йоьᵸшойбацӀаъцас боьъована йовагьа, гьаᵸсаъ гаьгьийо бугъаъцас, къокъаъцас хазинана бокӀола. Гьоло хазина гьаᵸсаъ йа гигьлагийа муцаъас, йа сидала муьхъаъаш.

Лука 16:9

Вагьалълъобза До мизохъа нисос: дунияллила боцӀи-ризкъилас пайда бокча гьалмагълъи бовагьна. Дунияллила билӀоъ гаьгьийа бечедлъилаъас маьгьрум бовагьна муьгъатта̄, абадиябли билӀоъ гьалмагъла̄ къабул бовагьца вагьла̄ муьхо-махеда.

Лука 18:22

Вагьли тухълъо, Иса нисойо: – Гьаᵸже гьоᵸс жо ками йахъна гей дул. Дибо гаьгьийо шинаб боцӀи-ризкъина мисона мискин-пакъирла̄л садакъалал нилӀа, бета дул гьаᵸсаъас хазина михъас. Гьолълъогъа муьгъатта̄ Дӣгъой тос!

Лука 19:8

Вагьлиъис аьгъиъна Закайли Кьодда̄ла Исахъа нисос: – Йа̄ БетӀерчӀахъаяв! Гьуна диела бечелъилас йалӀлӀокос бутӀа до мискин-пакъирла̄л садакъалал нилӀал, йаги, лъо̄лди до зарал богьна зогъда, гьолцолна оьᵸкъовахна йоцӀйухъинна нилӀал.