Jonashi 4:11 - JONASHI

¹¹ Naromparorokari pairo nontsarogakagaigakempari Ninivekunirira, karari kara apatotakara pankotsi aiñoegitari kara tovaini matsigenkaegi yavisaigakero 120,000 ananekiegi tekyarira irogoigero tyara ikantaigakempa kameti irogavisaakoigakempara aikiro aiño tovaini piratsipage.»

Jonashi 4:11 Mawu Ofanana

Jonashi 1:2

«Maika viro, piatakera apatotakara pankotsi paitacharira Ninive pinkamantaigakerira pinkantaigakerira ikantake Tasorintsi nompogereaigakeri, noneaigakeritari pairo yogagavageigaka ikañovageigakara.»

Jonashi 3:10

Impo yogari Tasorintsi ineaigakerira ikantatigaiganakara yapakuaiganakerora yovetsikageigirira terira onkametite, ovashi yapitsimareanaa tera impogereaigakerimera.

Jonashi 4:10

Impo Tasorintsi ikantiri: «Pine maika tera viro pankivetemparone oga shivitsa pamatsaniro, aikiro tera viro gishivokerone; onti tsikyata oshivokanake irorori, impo okutagitevetanaka pa shigirikake, kantankicha viro pitsarogakagakarotyo pineaketari iroro pomanpegantaka.