ZEPANYA 2:15 - Alkitab Singog In Mongondow Masa In Tanaa

¹⁵ Tuata in mobaḻí kon kotá inta norame tatua bo inta nonganggap noaman mako in sia. Intaunea mita in nonganggap kon kotá monia tua in kotá inta totok in moḷoben kon dunia naa. Totuudon moingongow in butá tatua, diá bidon in mogogutunnea koḻikud bidon in mahaḷuk mita in kayuon inta nonompugad kon tua! Bayongan in intau inta moitaḻib kon kotá tatua moitaḻikokogbí bo mokoningkim in awak.

ZEPANYA 2:15 Mawu Ofanana

AYUB 16:4

Aka kuma bo moiko nion in akuoi, bo akuoi in moiko, dá motaaubí doman in akuoi mosingog ná tatua. Yagi-yagidon in singogonku; totokbí in momombiḻing akuoi.

AYUB 27:23

Kinoḷabúannea sinomu ginoḷokapan in intau; kon bayongan tampat siningkuḻe in sia.”

YESAYA 22:2

Diábí patus in bayongan kotá momia kon rame bo morogiow sanang in gina. Sin pojuangmu mita inta minatoi kon parang tanaa in deemanbí minatoi popisí in noparang.

YESAYA 32:11

Nodapot in tanaa mako moiko in nobiagpa nosanang noiḷuat nongkon roriga. Táe tanaa, mourotdon sin moondok! Ḷongkutdon in ḷambungmu bo pogibingkoḷotdon in bintoḷ ponogumatoian.

YESAYA 32:14

Nodapot in komaḻig in taḷaan bo ki iná in kotá inta morame mobaḻídon moingongow. Buḷud bo ḷangkeang mita poḷoḷukadan sinondodaidon in butá modapot in mononoi. Keledai mita ḻindong bo domba mita in modondaḷoi magí mako kon tua bo mokaan kon bonok kon tua.

YESAYA 32:9

Indongogaidon, ei bobay mita inta mobiag mosanang, noiḷuat nongkon inta mororiga!

YESAYA 47:10

Kainimu iko in moaman aka mogaid kon inta moraat, kainimu kamai dá aidmu tatua in diábí sinontongan mako. Iko in pinoḷaḻe in kabijaksanaan bo sinotaaumu, kainimu kamai diábí in ná iko.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 19:8

Akuoi in mopoantugbí in bodito inta motoyang kon kotá tanaa dá modapot in bayongan in intau inta moitaḻib kon tua in moitaḻikokogbí bo mokoningkim.

YEREMIA 50:13

Popisí sinumorú in Akuoi, dá Babel in mobaḻídon apugnea bo diádon in mogogutun. Bayongan inta moitaḻib kon tua in moitaḻikokogbí bo mokoningkim.

OMBAḶ 1:1

Totuubí kaasí kon moingongow in Yerusalem in tanaa mako, kotá inta dungkuḷmai totok in morame. Dungkuḷmai in noiḷontú kon sigad in bangusa mita, tanaa in nobaḻídon naonda bo boba-bobay. Dungkuḷmai in kotá inta totok in dinuí-duímai, tanaa in nobaḻídon ata.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

OMBAḶ 2:15

Bayongan in intau inta moitaḻib, morebeg kon inimu, sin norimumudon komintan in iko. Momombiḻing in mosia bo poḷat moguman, “Tuata degá in kotá inta totok in mogaga, kotá inta inyunggagá in dunia?”

YEHEZKIEL 27:36

Iko in nobuḻi noinggamá nodapot in mononoi. Mododagang mita kon sinangkub in dunia nodoḻiok popisí in noondok in mokonanam kon ukur ná tatua.”

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YEHEZKIEL 28:9

Yo, aka moiangoidon in wakutunea tatua, mokopogumanpa degá in iko kon iko in ki Allah? Kon tayowon in moḷoḻimodmu mita, moniatadon kon iko in tongábí intau ilo-ilow.

YEHEZKIEL 29:3

Ki Tuhan Inta Totok in moḷantud in nopotabá kon inakó mopotaau kon i datu in koyow tanaa, “Akuoi naa in musungmu, ei bangkeḻé moḷoben inta nosiug mako kon yuak in ongkag. Iko in mongambungangaḷ kainimu in Ongkag in Nil iko in kitogi bo iko in nomia.

DANIEL 4:27

Tuamai in aka motaau dá ki Tuangku in dumuduipa kon tonggina in bobantung naa. Dikadon in ki Tuangku mogaid kon dosa, táe aidaidon in onu inta mopia bo moadil, bo kotabidon in intau nobiag nobogá. Takin natua ki Tuangku in umuranbí mobiag mopia-pia mako.”

NAHUM 3:19

Ḷogit in awakmu diábí motaau undaman, bo kekebmu mita diádon mopia. Bayongan in intau inta mokodongog kon habar kinorimumudanmu monggoḷokap pia in gina. Sin bayongan in intau aindon nororiga popisí in aidmu moraat inta diá modai-dait tua.

HABAKUK 1:7

Kon bayongan in tampat mosia in mokopomuká kon ondok; moidoyon kon ḷoḷatú mosia in mondoí kon bayongan in hukum koḻikudbí in inta moidudui kon ibog monia.

MATIUS 27:39

Intau mita inta noitaḻib kon tua moningkuḻe, bo momombiḻing kon i Yesus.