ZEPANYA 1:15 - Alkitab Singog In Mongondow Masa In Tanaa

¹⁵ Singgai tatua in singgai torúan, mororiga bo mosusa, singgai koumpagan bo porimumudan, singgai mosindip bo monggoḷom, singgai inta modingungui bo mobayong in topuot.

ZEPANYA 1:15 Mawu Ofanana

YESAYA 13:9

Singgai i Tuhan in moiangoibí, bo kon singgai tatua ki Tuhan in mopoaid in torú-Nea bo rogi-Nea inta motoyang. Butá in mobaḻí butá inta moḷogat, bo bayongan in intau baradosa in moyopú.

YESAYA 22:5

Totuu, ki Tuhan Inta Totok in moḷantud, bo Inta Totok in mokawasa ain nonantú kon singgai naa nobaḻí singgai kodoḻiokan, kodowawáan bo yogenggeng kon Ḷopá in Oontongon. Dinding mita in kotá ain inumpag. Kuani mokituḷung kodongogandon nodapot kon tombuḷud mita.

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

YEREMIA 30:7

Singgai motoyang ain noiangoi, singgai inta diá in poḷawangan. Kon i umat-Ku, tua in singgai inta mokoondok; táe mosia in posaḷamaton-Kubí.”

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

YOËL 2:31

Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.

ZEPANYA 2:2

kon dodai in moiko diápa moḷaḷow bo moingkag naonda bo bungang! Koinsapdon kon dodai in diápa moiangoi in singgai torú i Tuhan, bo moiko in kotugatan in torú i Tuhan inta mopodoko-dokot tatua.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

ULANGAN 28:52

Mosia in monububí kon bayongan kotá kon butá inta inogoi i Tuhan Allahmu kon inimu dá dindingnea mita inta moḷantud bo kinoropot inta binaḻí monimu ḷamboi tua in mouuibi.

PETRUS 2 3:7

Táe ḷangit bo butá in umuranpa oyúon in tanaa mako, iḷukadandon in singog i Allah nongkon tuḷu sin popogoḷat kon singgai ponantúan bo koyoyangan in intau mita inta moraat.

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”