YOSUA 19:48 - Alkitab Singog In Mongondow Masa In Tanaa

⁴⁸ Kotá mita bo ḻipú mita tatua noiukat kon bonu in butá inta inogoi kon motoḷuadí mita inta kon bonu in suku Dan sin mobaḻí kapunyaan monia.

YOSUA 19:48 Mawu Ofanana

YEHEZKIEL 48:1

Pinosigadan in butá kon dotá in utuan sinimiḷanggó ná pomukaan, pinangkoi kon Dagat Toyuak nopobayá in kotá in Hetlon, daḷan tumuot kon Hamat, kotá in Hazar-Enan, nodapot kon pinosigadan kon sigad in kotá in Damsyik bo kotá in Hamat. Suku mita noiduduimai naa in kon batúannea musti mokouḻí kon tongosilai nongkon butá inta inumoḷad nongkon pinosigadan kon dotá in pomukaan nopobayá ná toyopan nodapot kon Dagat Toyuak, nopipid ná noiduduimai naa nongkon utuan nopobayá ná toḷatan: Dan Asyer Naptali Manasye Epraim Ruben Yohuda

YOSUA 19:47

Intau mita in suku Dan ain kinobuḻian in tongosilai nongkon butá monia, dá mosia in minayá kon Lesem bo nonubu kon kotá tatua. Mosia nokoagow, bo noḻimod kon intau mita inta nogutun kon tua, bo iḻitúan monia in kotá tatua. Dá nogutundon in mosia kon tua bo binaḷuaian monia in tangoi in kotá Lesem tatua nobaḻí kotá Dan, podudui in tangoi in mogoguyang monia.

YOSUA 19:49

Naonda in umat Israel nopaḷut nosilai kon butá kon tua, mosia nobogoi kon i Yosua adí i Nun tongosilai in butá sin mobaḻí kapunyaannea.