YOHANES 1 2:26 - Alkitab Singog In Mongondow Masa In Tanaa

²⁶ Pinaisku tanaa kon i monimu in soaḷbí intau mita inta umuran moramuji monguboḷ kon i monimu.

YOHANES 1 2:26 Mawu Ofanana

AMSAL 12:26

Intau mopia in mopia-pia in kobiagannea nongkon topodiugnea; intau moraat moiḷaḻe popisí in aidnea moraat.

YEHEZKIEL 13:10

Ei nabi mita inta deeman totuu nabi! Moiko in nopoḷaḻedon kon umat-Ku pinongin tosingogon kon bayongan in yagi-yagi moaman bo notoinutdon. Bokaka diábí! Umat-Ku in noposindogdon in dinding tela inta noḷungkag in pinogogaid, onda intua namangoi in moiko bo nopocet in kapur.

MARKUS 13:22

Sin ki inta deeman totu-totuu mopoposaḷamat bo ki inta deeman doman totu-totuu nabi in mamangoibí. Mosia in mogaid doman kon soaḷ mita inta diá in poḻiuan, bo soaḷ mita inta mokoherang sin ponguboḷ, bo aka oyúon in kasampatan yo mopoyaying doman kon umat mita i Allah.

KOLOSE 2:18

Donaaibí pomayá mako monimu in porugionmai in intau mita inta ki ubo-uboḷmai inumompá kon dodia bo inta mosumba kon malaekat mita. Intau tatua in moḷoḷatú takin raiannea mita inta modunia bo dumodia kon inta oontongon mita monia,

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

TIMOTIUS 1 4:1

Roho i Allah in muna bidon noguman nanaa: Kon singgai mita inta moiduduimai, oyúon in intau mobaḷuidon in pirisaya monia kon i Kristus. Mosia in dumuduidon kon dimukud mita inta tongá mopororigamai bo poḷat doman dumudui kon totundú mita in dimukud moraat tatua,

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

YOHANES 1 3:7

Adíku mita, dika moibog in moiko poyayingon i inekadon. Sin intau inta nogaid kon onu inta kinoibog i Allah, mosia tuata in ki adí mita i Allah ná doman onda bo ki Kristus inta ki Adí i Allah.

YOHANES 2 1:7

Tanaa mako in nobayongdon kon dunia naa in intau inta motundú kon diá totuu. Mosia tua in intau inta diá mopirisaya kon ki Yesus Kristus namangoidon in dunia naa saḷaku intau. Intau natua i mongouboḷ, bo saturu i Kristus.