YOHANES 5:45 - Alkitab Singog In Mongondow Masa In Tanaa

⁴⁵ Dikabí mosangka kon Akuoi in mopotaḷá kon i monimu kon tayowon i Amá. Sin ki Musabí inta i harap mako monimu in mopotaḷá kon i monimu.

YOHANES 5:45 Mawu Ofanana

LUKAS 16:29

Dá ki Abraham in notubag, ‘Kon i monia tua in oyúondon in buk i Musa bo buk in nabi mita! Pomayádon mako mosia in dumudui kon onu inta ain pinais kon bonu in buk mita tatua!’

YOHANES 12:48

Intau inta doí motarima kon i-Nakó, bo doí mokidongog kon singog-Ku, oyúonbí in mohakim kon inia. Singogbí inta ain pinoyaput-Ku tua in mohakim kon inia kon Singgai Ponantúan.

YOHANES 7:19

Degá diábí kinotaauan monimu kon ki Musa in nobogoidon in parenta mita i Allah kon i monimu? Táe diá in tobatúmai in kon sigad monimu in dinumudui kon parenta mita tatua. Nongonu sin moiko in moibogbí moḻimod kon i-Nakó?”

YOHANES 8:9

Naonda in nokodongogmai kon singog i Yesus natua, minayádon mosia nonaḷámai kon tampat tatua, nobatu-batú pinangkoi kon intau inta nogurang totok. Pangabisannea in dongkadon ki Yesus takin bobay tatua inta simindogpa mako kon tampatnea.

SURAT I PAULUS KON JAMAAT RUM 2:12

Intau mita inta deeman bangusa in Yahudi binaradosabí doman umpaka mosia in diá monotaau kon hukum agama Yahudi. Dá mosia in hukumonbí tongá diá pinodoyon kon hukum tatua. Táe intau mita in Yahudi binaradosa naonda in kinotaauan monia in hukum tatua. Dá mosia ihukum pinodoyon kon hukum tatua.

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”