YOHANES 21:15 - Alkitab Singog In Mongondow Masa In Tanaa

¹⁵ Nopaḷut mako mosia nongaan, ki Yesus in noguman kon i Simon Petrus, “Simon, adí i Yohanes, degá tabimu in moḷobe-ḷoben nongkon tabi monia kon i-Nakó?” “Totuu, Tuhan,” tubag i Petrus, “Kinotaauanbí i Tuhan kon akuoi in motabibí kon i Tuhan.” Ki Yesus in noguman kon inia, “Ḷukadaidon in ki adí mita in domba-Ku.”

YOHANES 21:15 Mawu Ofanana

KINOBAḺIAN 33:13

Ki Yakub in notubag, “Kinotaauanbí i Tuangku kon adí mita tanaa moyangkópa, bo mustiku ḷukadan doman in bobiagon mita inta kogadí kon mointokpa. Aka ḻimikat in modia kon i monia, umpaka tongá tosinggai, yo matoibí in bobiagon mita tanaa.

SAMUEL 2 7:20

Onupabí in motaau singogonku kon ini-Mu? Iko in nonotaau kon bayongan yagi-yagi kon mogogundoi-Mu naa.

DATU MITA 2 20:3

“Tuhan, toropa kaasí in akuoi naa inta ain nogundoi kon ini-Mu sinumoḷutui bo notuḻid in gina. Akuoi in umuranbí noḷongasi dinumudui kon ibog-Mu.” Bo nongombaḷdon totok in ki Hizkia.

YESAYA 40:11

Naonda bo gombala Sia in noḷukad kon paanan-Nea; Sia tontaní in mosipun kon i monia. Ki adí mita in domba koyotan-Nea, takin moḷukó in tosingogon Sia in modia kon i indenea mita.

YEREMIA 23:4

Akuoi in moduíbí kon itoi sin momiag kon i monia. Umat-Ku in diá bidon moondok andeka mourot, diábí tobatúmai in nongkon i monia in mobuḻi. Akuoi, ki Tuhan, ain nosingog.”

YEREMIA 3:15

Akuoi in mobogoibí kon inimu in itoi mita inta motoindudui kon i-Nakó. Mosia in mobaḻí itoi monimu takin bijaksana bo momangaḻe kon i monimu.

YEHEZKIEL 34:23

Akuoi in moduíbí kon datu tobatú inta ná mogogundoi-Ku ki Daud, sin baḻíon-Ku gombala monia totobatú tua, bo sia in moḷukad kon i monia.

YEHEZKIEL 46:24

Guman in ḷoḷaki tatua kon inakó, “Naa in abu mita tampat in mogogundoi mita kon Baḷoi Tuhan pototuonan kon kuruban mita sosumba in rayat.”

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 26:33

Ki Petrus in notubag kon i-Nia, “Umpakabí pirisaya monia kon ini-Mu mobaḷui, táe pirisayaku kon i Tuhan in diábí mobaḷu-baḷui!”

MATIUS 26:35

Ki Petrus in bui noguman kon i-Nia, “Pakabí Akuoi matoi moyotakin-Mu, yo akuoi in diábí moguman kon deeman murí-Mu!” Murí-Nea doman mita ibanea in noguman doman natua.

MARKUS 14:29

Dá ki Petrus in nosingog, “Diá ah, biarbí taḷaanmai monia in ki Amá, táe akuoi in doíbí monaḷámai.”

LUKAS 12:32

“Moiko inta tongá topiḻik, dikabí moondok! Sin mosanangbí in gina i Amámu in mobogoi in barakat kon i monimu kon bonu in kawasa-Nea.

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

YOHANES 1:42

Ki Simon dinia i Andreas minayá kon i Yesus. Ki Yesus inimindoi kon i Simon, bo noguman: “Iko ki Simon, ki adí i Yohanes. Iko in tangoiondon ki Kepas.” (Kepas notongkai in Petrus, mangaḻenea buḷud batu.)

YOHANES 13:37

Dá kai Petrus doman, “Tuhan nongonu sin diábí motaau akuoi in dumudui in tanaa mako? Morelabí in akuoi in matoi sin kopontingan i Tuhan!”

YOHANES 16:27

sin ki Amá in motabibí kon i monimu. Sia in motabibí kon i monimu sin moiko in motabi kon i-Nakó, bo mopirisaya kon Akuoi in namangoi nongkon i Allah.

YOHANES 21:12

Ki Yesus in noguman kon i monia, “Koḻigai mongaandon.” Diá tobatúmai in kon sigad monia tua in nokobaḻí noḻibó, “Mongo ki ine in ki Amá!” Sin kinotaauandon monia kon Tuhan in Sia.

YOHANES 21:7

Dá murí inta totok in kinotabi i Yesus in noguman kon i Petrus, “Ki Tuhan intua!” Naonda in kinotaauan i Petrus kon ki Tuhan intua, nogiḷambungdon in sia (sin diá nogiḷambung in sia) bo iḷumabú in sia kon tubig.

YOHANES 8:42

Dá ki Yesus in noguman kon i monia, “Aka ki Allah tua ki Amámu, yo motabibí in moiko kon i-Nakó, sin Akuoi in namangoibí nongkon i Allah. Bo deemanbí ibog-Ku tontaní in namangoi, táe ibogbí i-Nia inta nopotabá mangoi kon i-Nakó.

OUMAN IN RASUL MITA 20:28

Manangka intua yo mokopopiadon in moiko bo umuran moḷukad kon awak monimu bo poḷat doman ḷukadai in bayongan umat i Allah inta ain pinosarakan i Allah kon i monimu sinbá ḷukadan. Sin moiko nion ain sinantú in Roho i Allah mobaḻí moḷoḷukad bo mononompia kon umat i Allah inta ain sinobut-Nea in dugú i Adí-Nea tontaní.

OUMAN IN RASUL MITA 20:29

Kotaauankubí kon naonda in akuoi mayá, intau mita moraat inta moibog momoguyaat kon tomayá i Allah in mamangoi kon yua-yuak monimu. Bo diábí in tabi monia tua in momogutú kon umat i Allah.

SURAT I PAULUS KON JAMAAT RUM 14:1

Intau inta diá moyakin kon onu inta pinirisayanea in mustibí tarimaanmu kon sigad in intau mita inta mopirisaya. Dikabí mobobayowannea soaḷ pendiriannea tatua.

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

KORINTUS 1 8:11

Mangaḻenea kon naa, binaradosadon intau ibanea popisí in pirisayamu tatua. Bokaka lantarandon mosia tua dá ki Kristus in minatoi.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

EPESUS 6:24

Igumon doman mako barakatan i Allah in moiko komintan inta motabi kon i Tuhan naton inta ki Yesus Kristus takin tabi inta diá moobo-obot. Horomat nami, Ki Paulus

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.

YOHANES 1 4:19

Kita motabi, sin ki Allah ain muna notabi kon i naton.

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.