YOHANES 12:50 - Alkitab Singog In Mongondow Masa In Tanaa

⁵⁰ Bo kinotaauan-Kubí kon parenta-Nea tatua in mobogoibí in kobiagan mopia bo mononoi. Dá Akuoi in mopotaau kon ná inta sinundú i Amá kon i-Nakó.”

YOHANES 12:50 Mawu Ofanana

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 5:19

Tubag i Yesus kon intau mita tatua, “Poguman-Kudon kon i monimu, Adí in diábí mokoaid kon onu bo onu aka mopomaké in kawasa-Nea tontaní. Sia in tongábí mogaid kon onu inta ain inontong-Nea inaidan i Amá-Nea. Sin onu in inaidan i Amá, tua doman in inaidan i Adí.

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

YOHANES 6:68

Dá ki Simon in noḻibó, “Tuhan, kon i inepa in bayáan nami? Tosingogon i Tuhan mobogoi in kobiagan mopia bo mononoi.

YOHANES 8:28

Manangka intua ki Yesus in noguman kon i monia, “Bain poḷantudon monimu in ki Adí Intau, bain tua bo kotaauan monimu kon Akuoibí naa in Sia inta sinumangoi ‘AKUOI OYÚON’, bo kotaauandon monimu kon diábí in tobatúmai in pinomia-Ku inta nongkon ibog-Ku tontaní. Akuoi in tongábí moguman kon onu inta sinundú i Amá-Ku kon i-Nakó.

ULANGAN 18:18

Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.

TIMOTIUS 1 1:16

Táe popisíbí in kaadaanku natua, dá sinotabi i Allah in akuoi bo bá moniatadon in kososabar i Kristus Yesus kon inakó, intau inta totok in binaradosa. Bo naadon in mobaḻí contoh kon bayongan in intau inta aka mopirisayadon kon i-Nia bo inta mokouḻí kon kobiagan mopia bo mononoi.

YOHANES 1 2:25

Bo naa in pinodandi i Kristus tontaní kon i naton: kobiagan motompia bo mononoi.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.