YOHANES 11:33 - Alkitab Singog In Mongondow Masa In Tanaa

³³ Naonda inontong i Yesus in ki Maria nongombaḷ, bo intau mita in Yahudi inta namangoi noyotakinnea tua nongombaḷ doman, norobonoḷdon totok in gina-Nea, bo totokdon inagían tabi in Sia.

YOHANES 11:33 Mawu Ofanana

MARKUS 3:5

Korogi-rogi in ki Yesus nobobui magí-mako kon intau mita inta kon tua, táe moajar doman totok in gina-Nea sin totuu motogat in gina monia tua. Onda intua Sia in noguman kon intau inta noḻempeng in ḻima tatua, “Sintakdon in ḻimamu.” Dá sinintak doman in intau tatua in ḻimanea, bo baḷú domandon nopia in ḻimanea tatua.

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”

YOHANES 11:19

Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

YOHANES 11:31

Naonda in intau mita Yahudi inta namangoi nohibur kon i Maria kon baḷoi nokoontong kon i Maria bango-bangon bo iḻimikat iḷumuai; dinuduian monia in sia, sin iraimai monia in sia mayábí in poḷoḷobongan bo mongombaḷ.

YOHANES 11:34

Dá Sia noḻibódon kon i monia, “Kon onda in pinoḷobongan monimu kon inia?” Tubag monia “Igai indoian, Tuhan.”

YOHANES 11:35

Bo ki Yesus in nongombaḷ.

YOHANES 11:38

Totokpa in inangoian in tabi in ki Yesus minayá in Sia in poḷoḷobongan. Poḷoḷobongan tatua in tobatú angob inta sinaḷoban in batu moḷoben.

YOHANES 12:27

“Moḻia-ḻiaw totok in gina-Ku; onu degá in musti singogon-Ku in tanaa? Musti degá in Akuoi moguman, ‘Amá, potaḻibdon kon i-Nakó in roriga tanaa mako’? Diá! Sin tuabí in mangaḻe in inangoian-Ku.

YOHANES 13:21

Naonda in noguman mako natua in ki Yesus, totokdon in moajar in gina in Sia. Bo Sia in noguman, “Akuoi in mogumandon kon i monimu: Tobatú nongkon sigad monimu nion momaḻidawanbí kon i-Nakó.”

SURAT I PAULUS KON JAMAAT RUM 12:15

Koḷungangadon in gina monimu takin intau mita inta nongoḷunganga doman in gina, bo pongombaḷdon takin intau mita inta mongombaḷ.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!