YOËL 2:31 - Alkitab Singog In Mongondow Masa In Tanaa

³¹ Mata in singgai in simindipdon bo buḷan in mobaḻídon mopura naonda bo dugú. Tua komintan in mobaḻí kon dodai in diápa moiangoi in Singgai i Tuhan, singgai inta motoyang bo mokokoningkim!

YOËL 2:31 Mawu Ofanana

YEREMIA 4:28

Butá in mononogumatoi, ḷangit in simindipdon. Ki Tuhan in nosingogdon bo diá bidon momaḷui kon tomayá-Nea. Sia in nonantúdon kon singog bo diábí umundok tongákabí toḷoḷampang.

YEHEZKIEL 32:7

Kon dodai in yompaton-Ku in iko, koḷoban-Ku in ḷangit bo tundi mita in pokudowon-Ku. Mata in singgai in popoadop-Kudon kon goḷom bo buḷan in diádon monindar.

YOËL 2:1

Irupdon in torompet, posingogdon in tomponuot in anib kon tombuḷud in Sion inta motusi, pinogutunan i Allah. Kourotdon, ei intau in Yohuda! Sin Singgai i Tuhan in nodiug bo ḷagidon moiangoi.

YOËL 2:10

Kon tungkuḷ in mosia minayá butá nogugur, bo ḷangit in nodandú doman. Bo nosindipdon in mata in singgai bo buḷan, bo sindar in tundi mita noinggamádon.

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

YOËL 2:2

Singgai tatua in nosindip bo nolamurú, nopuḻing in topuot inta mobunod. Tontara in pangkoḷá moroangoi naonda bo goḷom inta noiborak kon ḻimonik in buḷud. Inta ná tatua in diápabí kon dodai in onda in nobaḻí bo diá bidon mobaḻí bui modapot in mononoi.

YOËL 3:1

Ki Tuhan in noguman, “Kon singgai tatua Yerusalem bo Yohuda in poguḻiton-Ku in kobiagannea motompia.

YOËL 3:15

Mata in singgai bo buḷan in simindipdon, bo tundi mita in diádon monindar bui.”

ZAKHARIA 14:6

Aka singgai tatua moiangoi, yo diá bidon in tompot motumping andeka eis.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 24:29

“Naonda in mopaḷutdon roriga wakutu intua, yo mata in singgai mosindip, bo buḷan diádon monindar. Bo tundi mita in mongoḷabú nongkon ḷangit, bo kawasa mita kon baḷangon moirangkap.

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.

OUMAN IN RASUL MITA 2:20

Mata in singgai in mobaḻí mosindip, buḷan in mosimpuya naonda bo dugú kon wakutu in diápa moiangoi in singgai i Tuhan, singgai inta totok in moḷoben bo momulia tua.

WAHYU 8:12

Onda intua malaekat inggopatnea nogirup domandon kon torompetnea. Dá noidatongdon in sepertiga in mata in singgai, sepertiga in buḷan bo sepertiga doman in tundi mita, sahingga noinggamádon sepertiga nongkon ropot in sindar monia. Ná doman tua, sepertiga nongkon bayag in diádon notarang bo ná doman tua in doḷom.