YESAYA 9:7 - Alkitab Singog In Mongondow Masa In Tanaa

⁷ Ki Tuhan ain nopoḷabú in hukuman kon dodatuan in Israel.

YESAYA 9:7 Mawu Ofanana

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

DATU MITA 2 19:31

Kon Yerusalem bo koḻimonik in Buḷud in Sion in oyúonbí intau mita inta mosaḷamat, sin ki Tuhan in nonantúdon kon tatua in mobaḻíbí.

MAZMUR 2:8

Igumdon, dá bayongan in bangusa ogoi-Kubí kon inimu, bo sinangkub in dunia baḻíon-Kudon kapunyaanmu.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 16:5

Onda intua intau tobatú nongkon buí i Daud in mobaḻí datu, bo sia in momarenta kon bangusanea podoyon kon tabi bo satia. Sia in moposindog in inta moadil bo moḷamemet in mogaid kon inta mobanar.)

YESAYA 2:4

Sia in mohakimbí kon sigad in bangusa mita, bo momontow kon pelekara kon sigad in suku mita in bangusa. Pitow in tontaḷon pomiaan pajeko, bo ginubat aidan roratab. Bangusa mita in diábí mositubuan, diábí domandon mosadia moparang.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 37:32

Kon Yerusalem bo kon tudu in Buḷud in Sion oyúonbí in intau mita inta mosaḷamat, sin ki Tuhan Inta Totok in mokawasa ain nonantú kon tua in mobaḻíbí.

YESAYA 40:10

Indoiai, ki Tuhan Allah in namangoi takin kawasa sin mogaid kon oaidan pongin ropot-Nea. Sia in sinakinan in intau mita inta ain pinoḷuat-Nea.

YESAYA 42:13

Ki Tuhan in mayá in muna moparang naonda bo pahlawan tobatú, naonda bo tontara tobatú inta moibog totok moparang. Sia in modidí in kokow in parang, bo mopoontong in kotoyang-Nea kon musung.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

DANIEL 2:35

Kon dodai doman intua patong tatua in noumpag bo nobaḻí bonturungan in uatoi, butá in ḷamentong, bitú, saḷaka, bo buḷawan inta ain norimumud noyobauk naonda bo ḷobud kon tampat poḷoḻintogan kon gandum kon sempo in poninggai. Bonturungan tatua nongoiḷayug in inirup in tompot, dá diádon nonaḷámai kon paḷot topiḻikmai. Táe batu inta nogumpag kon batu tatua nobaḻí ná koḷoben in buḷud bo nomuḻing kon sinangkub in butá.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

DANIEL 7:14

Sia in inogoian in kahoromatan bo kawasa saḷaku datu, dá bayongan in intau nongkon bayongan in bangusa, inanakan bo singog in nogundoi kon i-Nia. Kawasa-Nea in modapot in mononoi, pomarentaan-Nea in diábí poḷabúon.

DANIEL 7:27

Kawasa bo koḷoḷoben in bayongan in dodatuan kon dunia in ogoi kon umat i Allah Inta Totok in moḷantud. Kawasa monia momarenta in diábí in imbuitnea bo bayongan in mongongawasa kon dunia naa in mobantungbí kon i monia takin toindudui.”

HAGAI 2:9

Baḷoi-Ku inta mobagu in mogagabí nongkon inta muna, bo kon naa Akuoi in mobogoi in kobiagan moodom bo kotomoman kon bangusa-Ku.” Ki Tuhan Inta Totok in mokawasa ain nosingog.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

YOHANES 12:34

Intau mobayong kon tua noguman kon i-Nia, “Podudui kon Buk Hukum in agama nami, Datu Mopoposaḷamat tua in mobiagbí mononoi. Yo nongonu sin Iko in mogumanbí kon ki Adí Intau in poḷantudonbí kon dunia naa? Ki inebí in ki Adí Intau tatua?”

IBRANI 1:8

Táe ki Allah in noguman kon i Adí-Nea nanaa: “Ḷoḻitúan pomomarentaan-Mu, umuranbí mononoi! Moadil totok in pomomarenta-Mu.

IBRANI 7:24

Táe lantaran ki Yesus in diábí mato-matoi, dá oaidan-Nea saḷaku Imang in diábí mopamping kon intau ibanea.

WAHYU 19:11

Noiduduimai kon tua inontongku in soroga nobukat, bo inontongku oyúon in tobatú kabaḷo nobudó. Ki inta sinumakoi kon kabaḷo tatua, tangoinea ki Mosatia bo ki Mobanar. Sia in moadilbí in monantú kon hukuman bo kon parang.